Սէր (հանդէս)

Սէր
Տեսակ	պարբերաթերթ
Հիմնադրուած է	1860
Հրատարակման վայր	Կ․ Պոլիս

«Սէր», մանկավարժական, քաղաքական հանդէս։ Լոյս տեսած է 1860-1864 թուականներուն, Կ․ Պոլիս, անկանոն պարբերականութեամբ։ Պաշտօնական պատասխանատու (խմբագիր)՝ Ա․ Ճէվահիրճեան, տնօրէն՝ Պ․ Պառնասեան։

Ազգային-հասարակական կեանքի յառաջընթացի գրաւականը համարած է ուսման, առեւտուրի, երկրագործութեան զարգացումը, ազգերու համագործակցութիւնը եւ բարի դրացիական յարաբերութիւնները։ Համակրանք յայտնած է եւրոպական երկիրներուն մէջ ազգային-ազատագրման, յատկապէս Կարիպալտեան շարժման նկատմամբ։ Քննադատած է «ազգային երեսփոխաններու ու այլ գործիչներու ապաշնորհութիւնը»։

«Նկարագիր երեւելի մարդկանց» խորագիրով պարբերաբար ներկայացուցած է համաշխարհային նշանաւոր դէմքերը։ «Սէր»ը կարեւոր նկատուող վիճակագրական տեղեկութիւններ հրապարակած է՝ ժամանակի առեւտրական յարաբերութիւններու, հումքի համաշխարհային արտահանոյթի վերաբերեալ։

Լուրեր հաղորդած է նաեւ Մուրատ Ռափայէլեան, Վիեննայի Մխիթարեան եւ այլ վարժարաններու գործունէութեան մասին, տպագրած է գրական ստեղծագործութիւններ, զուարճալի պատմութիւններ, հայ տարարութիւններ, մամուլի տեսութիւններ։

Ծանոթագրութիւններ

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։