Սերկեւիլ
![](http://upload.wikimedia.org/wikipedia/commons/thumb/2/23/Page_18_quince_-_Rea_Mammoth%2C_Meechs_Prolific%2C_Orange%2C_Champion.jpg/220px-Page_18_quince_-_Rea_Mammoth%2C_Meechs_Prolific%2C_Orange%2C_Champion.jpg)
Սերկեւիլը կը պարունակէ Vit. C եւ B, փէքթինային նիւթեր, տապաղանիւթեր, բջջաթաղանթ եւ մրգաթթուներ: Սերկեւիլը ունի լաւ արտայայտուած միզամուղ յատկութիւն, օգտակար է սրտի եւ երիկամունքի հիւանդութիւններու ժամանակ: Անոր մէջ քիչ է շաքարի պարունակութիւնը, ինչ որ օգտակար է շաքարախտ ունեցող հիւանդներուն:
Պարունակած բարձր փոթասիումի շնորհիւ, ան ունի միզամուղ յատկութիւն: Սերկեւիլը, պարունակած թանինի շնորհիւ կարեւոր է յատկապէս ստամոքս-աղիքային հիւանդութիւններու, փորհարութեան բուժման համար։ Անոր կուտերու եփուկը ունի խորխաբեր յատկութիւն, իսկ կուտերէն ստացուած լորձը կ'օգտագործուի այրուածքներու, մորթային ճաքերու բուժման համար: Անոր տերեւները կը պարունակեն բաւարար քանակով ֆիթոցիտներ, հետեւաբար մորթային հիւանդութիւններու ժամանակ կ'օգտագործուին անոր եփուկը թրջոցներու ձեւով:
![](http://upload.wikimedia.org/wikipedia/commons/thumb/2/25/Quitte_Cydonia_oblonga-2.jpg/220px-Quitte_Cydonia_oblonga-2.jpg)
Աղբիւրներ
[Խմբագրել | Խմբագրել աղբիւրը]- Ճիշդ Անունդ՝ Առողջ Կեանք, Բժշկուհի Գոհար Վարդանեան, էջ 61: