Սեղանի Թենիս (Փինկ Փոնկ)

Jump to navigation Jump to search
Mondial Ping - Men's Singles - Round 4 - Kenta Matsudaira-Vladimir Samsonov - 57.jpg

Սեղանի Թենիս (Փինկ Փոնկ), մարզական խաղ մըն է, որ կը նմանի պարզ թենիսին, սակայն այն տարբերութեամբ, որ այս խաղը կը խաղան ցանցով մը երկու հաւասար մասերու բաժնուած սեղանի մը վրայ:

Խաղին Օրէնքը[Խմբագրել | Խմբագրել աղբիւրը]

Երկու մրցակից անձերը սեղանին վրայ կլոր գնդակ մը կը հարուածեն գնդարկի (Ռաքեթ) մը միջոցով, պայմանով, որ հակառակորդը չյաջողի գնդակը ետ հարուածել դիմացինին:

Պատմական Ակնարկ[Խմբագրել | Խմբագրել աղբիւրը]

Փինկ Փոնկի գնդակ
  • Այս խաղը լայն ընդունելութիւն գտած է յատկապէս Եւրոպական եւ Ասիական երկիրներու կողմէ:
  • Խաղը յառաջացած է Անգլիոյ մէջ, 1902-ին [1]«Փինկ Փոնկ» անունով:
  • 1905-ին կազմակերպիչ խմբակցութիւնը աշխատանքէ դադրած է, սակայն խաղը շարունակուած է Անգլիոյ զանազան նահանգներէն ներս, բացի՝ Լոնտոնէն:
  • 1920-ին լայն տարածում գտած է զանազան երկիրներու մէջ, ղեկավարներ ունենալով՝ Գերմանիան, Հունգարիան եւ Անգլիան:
  • «Սեղանի Թենիս» անունը որդեգրուած է 1921-1922  թուականներուն, երբ վերաշխուժացած է «Փինկ Փոնկ» խմբակցութիւնը:
  • Խորհուրդը կազմուած է 1926-ին, որուն անդամակցած էին Անգլիան, Շուէտը, Հունգարիան, Հնդկաստանը, Տենմարքը, Գերմանիան, Չեքոսլովաքիան, Աւստրիան եւ Կալեսը:
  • Առաջին համաշխարհային մրցաշարքը տեղի ունեցած է Լոնտոնի մէջ, 1926-ին:
  • 1926-1939 հիմնուած է Կեդրոնական Եւրոպայի տղոց խումբը: խաղին իշխողներն էին՝  Հունգարիա (ինն անգամ ախոյեան) եւ  Չեքոսլովաքիա(երկու անգամ):
  • 1950-ի կէսերուն Ասիա մաս կազմած է զանազան մրցաշարքերու՝ իբրեւ մարզիկ տրամադրող: Այդ թուականէն ի վեր,  անհատական, թէ խմբային մրցումներու (արական թէ իգական սեռի), իշխած են Չինաստանի մարզիկները:
  • 1970-ին, Փեքինի մէջ, Չինաստանի եւ Ամերիկայի միացեալ նահանգներու մարզիկներուն միջեւ մրցաշարք մը տեղի ունեցած է:
  • 1980-ին համաշխարհային առաջին մրցաշարքը տեղի ունեցած է, որուն աւարտին Կուօ Եհուվայ  գրաւած է առաջին դիրքը եւ 12500$ շահած՝  իբրեւ գնահատանք:
  • Մինչեւ 1990-ական թուականները, այս կազմակերպութեան անդամակցած են աւելի քան 165 ազգային խումբեր:
  • Սեղանի Թենիսը Ողիմպիական խաղերուն մէջ ներառուած է 1988-ին, աղջկանց եւ տղոց բոլոր մրցաշարքերուն ընթացքին:

Ծանօթագրութիւններ[Խմբագրել | Խմբագրել աղբիւրը]