Սարգիս Քհնյ. Մարսէլեան

Jump to navigation Jump to search
Սարգիս Քհնյ. Մարսէլեան
Ծնած է 1925
Ծննդավայր Աթէնք, Յունաստան
Մահացած է 1992
Մահուան վայր Ամերիկայի Միացեալ Նահանգներ
Ազգութիւն հայ
Կրօնք քրիստոնէութիւն
Մասնագիտութիւն հոգեւորական

Սարգիս Քհնյ. Մարսէլեան, (1925, Աթէնք1992, Ամերիկայի Միացեալ Նահանգներ), աւազանի անունով՝ Մինաս, որդի Պօղոսի եւ Եղիսաբէթի, որոնք Զէյթունցի էին։

Կենսագրութիւն[Խմբագրել | Խմբագրել աղբիւրը]

Մինաս ծնողքին հետ տեղափոխուած է Հալէպ, ուր յաճախած է Ազգային Սահակեան վարժարան, բայց նիւթական դժուարութեան պատճառով կիսաւարտ ձգած է։

Երբ երիտասարդական տարիքը թեւակոխած է, իր մէջ տակաւ առ տակաւ զօրացած են ազգային զգացումները։

Իր քահանայական ձեռնադրութիւնը տեղի ունեցած է ձեռամբ՝ Բերիոյ Թեմի Առաջնորդ՝ Տէր Ղեւոնդ Արքեպիսկոպոս Չէպէեանի, Հալէպի Ս. Գրիգոր Լուսաւորիչ եկեղեցւոյ մէջ, 29 Սեպտեմբեր 1963-ին, վերակոչուելով Տէր Սարգիս։

Տէր Սարգիս հոգեւոր հովութեան պաշտօնի կոչուած է Թեհրանի հայահոծ գաղութին մէջ, ուր ընտանեօք հաստատուած է եւ պաշտօնավարած՝ Սուրբ Սարգիս եքեղեցւոյ մէջ։

Նոյն գաղութին մէջ պաշտօնավարած է երկար տարիներ։

Վախճան[Խմբագրել | Խմբագրել աղբիւրը]

1992-ին, մեկնած է Միացեալ Նահանգներ իր զաւակներուն տեսութեան եւ հոն ալ վախճանած է, անակնկալ հիւանդութեան մը պատճառով։

Մարմինը ամփոփուած է վերջին օծումէն ետք Գալիֆորիոյ հայոց գերեզմանատունը։

Առ ի գնահատանք իր տարիներու բարւոք ծառայութեան, ստացած է Լանջախաչ եւ ապա Ծաղկեայ սեւ փիլոն[1]։

Ծանօթագրութիւններ[Խմբագրել | Խմբագրել աղբիւրը]

  1. Յուսիկ Ա. քնյ. Սեդրակյան, Վարք Քահանայից Բերիոյ թեմի, հ. Ա, Պոստըն, էջ 260։