Ռոնի Քոլմեն
| Ռոնի Քոլմեն անգլերէն՝ Ronnie Coleman | |
|---|---|
 | |
| Նաեւ յայտնի է իբրեւ | ibay strong |
| Ծնած է | 13 Մայիս 1964 (59 տարեկան) |
| Ծննդավայր | Մոնրօ, Ուաշիթա, Լուիզիանա, Ամերիկայի Միացեալ Նահանգներ |
| Քաղաքացիութիւն |
 Ամերիկայի Միացեալ Նահանգներ |
| Մայրենի լեզու | ամերիկեան անգլերէն |
| Ուսումնավայր | Grambling State University? |
| Մասնագիտութիւն | bodybuilder, ոստիկան, Ամերիկացի ոտնագնդակի մարզիկ |
| Անդամութիւն | International Federation of BodyBuilding & Fitness? |
| Կայքէջ | ronniecoleman.net |
Ռոնի Քոլմեն (Ronnie Coleman, 13 Մայիս 1964, Մոնրօ, Ուաշիթա, Լուիզիանա, Ամերիկայի Միացեալ Նահանգներ) ասպարէզէն հեռացած (IFBB) ամերիկացի մասնագէտ մարզիկ մը, որ եղած է նաեւ զինուորական մը: Ութ անգամ արժանացած է «Պարոն Օլիմփիա» տիտղոսին եւ իր մարզին մէջ ճանչցուած է իբրեւ լաւագոյն մարզիկ[1]:
Կեանքը[Խմբագրել | Խմբագրել աղբիւրը]
Ռոնի Քոլմըն ծնած է Քուպա: Ունի 180.34 սմ հասակ: Իր մարզական ժամանակաշրջանին կշռած է 130-140 քկ.: Մասնակցածէ համաշխարհային մրցաշարքերու ՝ 1992-էն մինչեւ 2007:
Մանկութիւնը անցուցած է Մոնրօ Լուիզիանայի մէջ (Monroe Louisiana): Դպրոցական տարիներէն կը սիրէր ամերիկեան ոտնագնդակ խաղալ:
Ունեցած է բարեձեւ մարմին: Դասարանին մէջ յառաջագոյն աշակերտներէն կը համարուէր: Յաճախած է (Grambling state university/ GSU), որուն ընթացքը անվճար աւարտած է: Մասնագիտացած է հաշուապահութեան մէջ:
Արլինկթըն Քեքսաս մեկնելով (Arlington Texas), չէ կրցած իր նախասիրած մարզին մէջ գործ գտնել, առանց յուսահատելու սկսած է աշխատիլ «Domino’s Pizza», որպէսզի կարենար պարտքերը փակել, սակայն յաջողութիւն չի գտներ:
Օր մը, երբ ան թերթ մը կ'ընթերցէր, կը նշմարէ, որ իր շրջանին մէջ եղող ոստիկանութիւնը կամաւոր աշխատողի կարիքը ունէր: Ան կ'անդրադառնայ, որ իրենց սահմանած ու թելադրած պայմանները կրնար ամբողջացնել: Կը դիմէ ու կ'ընդունուի: 1989-էն 2003 ոստիկան դառնալով, կը պահպանէ իր շրջանի թաղամասերը:
Ընթացքին, իր բարեկամներէն մէկը՝ Կիւսթաւօ Արլոլթա (Gustavo Arlolta), իրեն կ'առաջարէ, որ անդամագրուի Arlington texas-ի մօտիկ մարզասրահի մը: Բարեկամը զինք կը ծանօթացնէ մարզասրահին մթնոլորտին: Մարզասրահին տիրոջ անունը Պրայըն Տոպսըն (Brian Dobson) էր, որ մարզասրահը կոչած էր Metro Flex Gym: Ծանօթացման ընթացքին, Պրայըն Տոպսըն Ռոնի Քոլմենին կ'առաջարկէ մասնակցիլ Պրն.Օլեմփիայի մրցաշարքին (Mr.Olympia), փոխարէնը խոստանալով ցկեանս ձրի մարզում՝ մարզասրահէն ներս: Ռոնի կ'ընդունի վերջինիս առաջարկը, երբ միայն 26 տարեկան էր:
1990-ին, ան կը մասնակցի Mr.Texas amateur show-ին եւ NPC championshipին 3-րդ դասակարգին կ'արժանանայ, սակայն գոհ չի մնար արդիւնքէն: Աւելի յառաջդիմելու համար, կարգ մը փոփոխութիւններ կը կատարէ: Յաջորդ տարի, նոյն մրցաշարքին կը մասնակցի եւ կ'արժանանայ առաջին դիրքին:
27 տարեկանին ան չէր գիտեր, թէ «body building»ը ունէր զանազան ճիւղաւորումներ, զորս կը սկսի փորձել Mr.Olympia-ի մասնակցելէն ետք: 11-րդ դասակարգը կը գրաւէ, ինչ որ իրեն համար յաւելեալ ճիգ ու ջանք ընելու խթան մը կ'ըլլայ:
1992-ին Շիքակոյի մէջ «Mr.Olympia» մրցաշարքը տեղի կ'ունենայ, որուն կը մասնակցին կարգ մը արուեստագէտներ, ինչպէս՝ Քեւըն Լեւրոնի (kevin levroni), Պոպ Փարիզ (Bob Paris) եւ Միլօ Սեքրօ (Milo sacrow): Յաջորդ տարիներուն Ռոնի չի մասնակցիր մրցաշարքերուն, բայց 1994-ին «Powerlifing»ի մրցումի մը կը մասնակցի, բայց կարճ ժամանակ մը ետք կը մասնակցի «body building»ի մրցաշարքերու:
1995-ին Քանատայի մէջ Mr.Olympia-ին հմտանալով, յաջորդական ութ տարիներ ախոյեան կը դառնայ:
Ronnie Coleman 1998-էն ետք կը յաջողի հանրածանօթ դառնալ, նշանաւոր մարզիկներու դէմ մրցելէ ետք:
Յաջորդական 8 տարիներու ընթացքին կը մրցի նշանաւոր մարզիկներու հետ, ինչպէս՝ Քեւըն Լեւրոն (Kevin Levrone), Շոուն Ռէյ (Shawn Ray), Լի Փրիսթ (Lee Priest), Նասեր Ալ Սապաթի (Nasser el Sabaty), Քրիս Քորմիէ (Chris Cormier), Տեքսթըր Ճեքսըն (Dexter Jackson), Ճէյ Քալթըր (Jay Culter), Էրնի Թէյլըր (Ernie Taylor), Կունթըր Սչլի (Gunther Schli), Քեմփ (Kamp), Տենիս Ճէյմզ (Dennis James), Մարք Ռուլ (Mark Ruhl), Կուսթանօ Պատել (Gustano Badell), Մելվին Անթընի (Melvin Anthony), Վիքթոր Մարթինէզ (Victor Martinez) եւ ուրիշներ եւ միշտ ալ ախոյեան կը դառնայ:
2006-ին Ճէյ Քալթըր կը զգետնէ Ռոնին:
2007-ին ան դարձեալ կը մասնակցի մրցաշարքին, սակայն կ'անդրադառնայ, որ իր նախկին ուժը կորսնցուցած է ու վերջապէս կը հրաժարի մրցաշարքերու մասնակցելէ: