Ռիլա վանք

Ռիլա վանք
Եունեսքոյի Համաշխարհային Ժառանգութեան Յուշարձան
	Ռիլա վանք
	պուլկար․՝ Рилски манастир
	Ռիլա վանք
Երկիր	Պուլկարիա
Հիմնադրուած է՝	946
Տարածութիւն	11 հեկտար
ԲԾՄ	1147 մեթր
Փոստային ցուցանիշ	2643
Հիմնադիր	Ռիլայի Սուրբ Յովհաննէս
Պաշտօնական կայքէջ	rilskimanastir.org

Ռիլա վանք․ Սուրբ Յովհաննէսի վանք, ծանօթ որպէս Ռիլա վանք (պուլկ․՝ Рилски манастир, Rilski manastir) եւ կամ Իվան վանք (Sveti Ivan Rilski, պուլկ․՝ Рилски манастир „Свети Иван Рилски“)։ Ուղղափառ եկեղեցուոյ մեծագոյն վանքը Պուլկարիոյ մէջ։ Կը գտնուի Ռիլա լեռնաշղթային վրայ, Ռիլա գետի հովիտին մէջ։

Տեղեկութիւններ[Խմբագրել | Խմբագրել աղբիւրը]

Ռիլա վանքը կը գտնուի Ռիլա լեռնաշղթային վրայ, 1147 մեթր բարձրութեան վրայ եւ մայրաքաղաք Սոֆիայէն 117 քլ․ դէպի հարաւ։ Վանքը կը գրաւէ 8800մ² տարածութիւն մը։

Հիմնադրուած է Ժ․րդ դարուն եւ ըստ աւանդութեան՝ Սուրբ Յովհաննէս ճգնաւորին կողմէն, Պետրոս Ա․ ցարին թագաւորութեան ընթացքին (927-968)։ Պուլկարիոյ մշակութային, պատմական եւ ճարտարապետական կարեւորագոյն յուշարձաններէն է։ Պուլկարիոյ եւ հարաւային Եւրոպայի զբօսաշրջիկութեան կեդրոններէն է։ Կը բաղկանայ հինգ գմբէթներէ, աշտարակէ մը եւ միաբաններու խցիկներէ։

Վանքը պատկերացուած է պուլկարական 1 «լեւ» թղթադրամին (հրատարակուած 1999-ին) ետեւի երեսին։