Ռանտա Այուպի
| Ռանտա Այուպի | |
|---|---|
| Ծնած է | 1962 |
| Ուսումնավայր | Հարվարդի բիզնես դպրոց? |
| Մասնագիտութիւն | գլխաւոր գործադիր տնօրէն |
| Աշխատավայր | Rubicon Group Holding |
Ռանտա Ս. Այուպի (Randa S. Ayoubi, 1962), Յորդանանի Ամման քաղաքը գտնուող միջազգային շարժուն գծանկարի եւ թուային մետիա արտադրութեան «Ռուպիկոն Կրուփ հոլտինկի» հիմնադիր եւ գլխաւոր գործադիր տնօրէն: Ճանչցուած է Կլոպալ TV- ի ամենաազդեցիկ կիներէն մէկը եւ տնտեսական աշխարհին մէջ նշանաւոր արաբ կին[1][2]:
Կենսագրութիւն[Խմբագրել | Խմբագրել աղբիւրը]
Այուպի ծնած է Երուսաղէմ, մեծցած է Ամման[3]: Հարուըրտի տնտեսական դպրոցէն ստացած է համակարգչային գիտութիւններու BA եւ տնտեսական վարչարարութեան մագիստրոսի աստիճան[4]: Այուպիի ոգեշնչումը կու գայ կրթութեան հետ արուեստագիտութեան միաձուլման ցանկութենէն[5]: Ան խօսած է արաբական լրատուամիջոցները աւելի լայն լսարանի ներկայացնելը իբրեւ «Արաբական վերածնունդի» մաս, նշելով.
|
Այս մարտահրաւէր կը ստեղծէ աւելի շատ ծրագիրներ պատրաստելու, որպէսզի ապագային երեխաները Եւրոպայի, ԱՄՆ-ի կամ Ասիոյ մէջ կարողանան դիտել անգլերէն կրկնօրինակմամբ արաբական ներկայացումներ, քան հակառակը[6]: | 
|
Գործունէութիւն[Խմբագրել | Խմբագրել աղբիւրը]
1994-ին Այուպի հիմնադրած է Ռուպիկոն ընկերութիւնը, որ 2004-ին դարձած է «Ռուպիկոն Կրուփ հոլտինկ»: Սկիզբը ան պայքարած է ներդրողներէն ֆինանսաւորում ստանալու համար, այնուհետեւ սկսած է իր ընկերութիւնը` դրամատնային ոլորտի մասնագէտներուն ուսուցանելով բազմաբնոյթ մետիա հմտութիւններ[7]: Տասը տարիներու ընթացքին դրամական միջոցներ հաւաքելէ ետք Այուպին զբաղուած է շարժուն գծանկարներու արտադրութեամբ եւ խաղային ուսուցմամբ: Ռուպիկոն ներկայիս նշանաւորի է Ben & Izzy եւ Postman Pat Movie շարժուն գծանկարներու շարքերով:
Այուպի Յորդանանի Կիներու միջազգային ֆորումի (IWF) բաժանմունքին հիմնադիր անդամ է եւ ընդգրկուած է Թագաւորական Ակադեմիայի հոգաբարձուներու խորհուրդին եւ Թագուհի Ռանիայի Կրթութեան եւ Զարգացման Հիմնադրամին կազմին մէջ։ Եղած է նաեւ Յորդանանի կրթութեան բարեփոխման թագաւորական յանձնաժողովի եւ Ամմանի մէջ գտնուող մանկական թանգարանի հոգաբարձուներու խորհուրդի անդամ:
Այուպի զբաղեցուցած է Աքապայի Կարմիր ծովի շարժանկարային արուեստի ուսումնարանի նախագահին պաշտօնը եւ օգնած է Յորդանանի մէջ հիմնադրել տեղեկատուական արուեստագիտութեան դաշնութիւն:
Մրցանակներ[Խմբագրել | Խմբագրել աղբիւրը]
- YEA «Տարուան գործարար» մրցանակ, 2000 թ.[8][9]
- Արաբական տնտեսական տարածաշրջանային ձեռնարկատիրութեան մրցանակ, 2004 թ.[8][9]
- Տարուան գործարար կին Միջին Արեւելքի մէջ գլխաւոր գործադիր տնօրէն անուանակարգին մէջ, 2010 թ.[8][9]
- Ըրնեստ Եւ Եանկ «Տարուան գործարար» մրցանակ, 2011 թ.[8][9]
Ծանօթագրութիւններ[Խմբագրել | Խմբագրել աղբիւրը]
- ↑ «Publicity on Randa Ayoubi»։ IMDB.com
- ↑ «The Most Powerful Arab Women 2015 : 100 Most Powerful Arab Business Women- #51 Randa Ayoubi»։ forbesmiddleeast.com։ արխիւացուած է բնօրինակէն-էն՝ 2017-08-17-ին։ արտագրուած է՝ 2018-10-29
- ↑ «Randa Ayoubi»։ FT.com
- ↑ «Randa Ayoubi Executive Profile»։ Bloomberg.com
- ↑ Risner Erin։ «Align Your Work With Your Purpose»։ thewaywomenwork.com
- ↑ Arora Vibhuti։ «My world: Randa Ayoubi on Arabic TV for kids»։ gulfnews.com։ արխիւացուած է բնօրինակէն-էն՝ 2017-08-17-ին։ արտագրուած է՝ 2018-10-29
- ↑ Hurley James։ «Jordanian animator: I'll deliver Postman Pat to the world»։ Telegraph.co.uk
- ↑ 8,0 8,1 8,2 8,3 «Randa Ayoubi - Mentors»։ endeavorjordan.org։ արխիւացուած է բնօրինակէն-էն՝ 2017-10-23-ին։ արտագրուած է՝ 2018-10-29
- ↑ 9,0 9,1 9,2 9,3 «Randa S. Ayoubi»։ weforum.org
Արտաքին յղումներ[Խմբագրել | Խմբագրել աղբիւրը]
- Ռանտա Այուպիի կենսագրութիւնը «Ռուպիկոն Կրուփ հոլտինկի» պաշտօնական կայքին մէջ Archived 2018-10-21 at the Wayback Machine.