Պերճուհի Աւետեան

Պերճուհի Աւետեան;
Ծննդավայր	Հալէպ, Սուրիա
Քաղաքացիութիւն	Սուրիա եւ Հայաստան
Ազգութիւն	Հայ
Կրօնք	Հայ Առաքելական եկեղեցի
Մասնագիտութիւն	Երկրաչափ
Աշխատավայր	Vlume ելեկտրոնային գիրքերու հարթակ

Կենսագրութիւն

Պերճուհի Աւետեան ծնած է Հալէպ, Սուրիա: Աւարտած է Հալէպի Հայկազեան վարժարանն ու Քարէն Եփփէ Ազգային Ճեմարանը: Բարձրագոյն ուսումը ստացած է Հալէպի Երկրաչափական համալսարանէն աւարտելով շինարարական բաժինը: 2015-ին տեղափոխուած է հայրենիք:

Մամուլի աշխատակից

Աշխատակցած է «Օշական պարբերաթերթ»ին, «Գանձասար շաբաթերթ»ին, «Երթ» տարեգիրքին (Հալէպ), «Շիրակ« եւ «Կամար» պարբերաթերթերուն (Լիբանան), կարճ շրջան մը «Կամք»ի (Ֆրանսա), «Գրական Թերթ» Հայաստան, ստորագրելով արձակ էջեր ու պատմուածքներ:

Գրական գործեր

Հայերէն լեզուի եւ գրականութեան հանդէպ տածած է մեծ սէր. գրական առաջին փորձերը լոյս տեսած են ճեմարանի «Ծիլեր» աշակերտական պարբերաթերթին մէջ:

Հրատարակածէ.-

«Կտակը» (1994)
«Բեմահարթակ» (Գէորգ Մելիտինեցի մրցանակով Անթիլիասի Մեծի Տանն Կիլիկիոյ Կաթողիկոսարանի տպարանէն լոյս տեսած (2011)^[1]
«Միս Եփփէ Մայրիկը (2021):
"Մատնահետքեր" (Գէորգ Մելիտինեցի մրցանակով Անթիլիասի Մեծի Տանն Կիլիկիոյ Կաթողիկոսարանի տպարանէն լոյս տեսած (2021), Խմբ. Կարօ Յովհաննէսեանի: Գիրքին մէջ յուշագրութեան բաժին մը կայ Սուրիական պատերազմի մասին:

Մանկական շարք. «Սփայտիկ», «Սփայտիկ եւ Արա», «Սոխակն ու Ծիածանը» եւ «Սփայտիկ Նոր Հանգրուանի Մէջ»: վերջին երկու գրքոյկներուն մէջ Սուրիոյ պատերազմի անդրադարձը կայ։

Անդամակցութիւն

Անդամ է Հայաստանի Գրողներու Միութեան:

Աղբիւրներ

Արտաքին յղումներ

↑ Գէորգ Մելիտինեցի գրական մրցանակ,Պերճուհի Աւետեան, «Բեմահարթակ» 288 էջ – Խմբ. դոկտ. Ժիրայր Դանիէլեան

[1] Գէորգ Մելիտինեցի գրական մրցանակ,Պերճուհի Աւետեան, «Բեմահարթակ» 288 էջ – Խմբ. դոկտ. Ժիրայր Դանիէլեան

[1]