Պետրոս Զօպեան
Պետրոս Զօպեան ( 1923, Օրթագիւղ - 2004, Թորոնթօ), պոլսահայ Ճարտարապետ եւ գրող։
| Պետրոս Զօպեան | |
|---|---|
| Ծնած է | 1923-ին |
| Ծննդավայր | Օրթագիւղ, Իսթանպուլ |
| Մահացած է | 2004-ին |
| Քաղաքացիութիւն | Քանատա |
| Ազգութիւն | Հայ |
| Կրօնք | Հայ Առաքելական եկեղեցի |
| Մասնագիտութիւն | ճարտարապետութիւն, |
| Աշխատավայր | ճարտարապետ, «Նոր Մարմարա» օրաթերթի վարչութիւն |
Կենսագրութիւն[Խմբագրել | Խմբագրել աղբիւրը]
Պետրոս Զօպեան 1923-ին ծնած է Օրթագիւղ, ուր ալ ստացած է իր նախնական կրթութիւնը, թաղի Ս. Թարգմանչաց վարժարանին մէջ։ Ապա աւարտած է Կեդրոնական վարժարանը։ Բարձրագոյն կրթութիւնը ստացած է Իսթանպուլի թեքնիքական համալսարանի ճարտարապետութեան բաժնէն։ 1950-ին, երբ մահացած է իր աները՝ «Նոր Մարմարա» օրաթերթի արտօնատէր եւ խմբագրապետ Սուրէն Շամլեան, ստանձնած է թերթին վարչութիւնը։ Մինչեւ 1967-ին Քանատա գաղթը, շարունակած է այս պաշտօնը, միաժամանակ ի գործ դնելով իր բուն մասնագիտութինը՝ ճարտարապետութիւնը։
Մայիս 1964-ին Պոլիս ծանօթացած է Ուիլիըմ Սարոյեանին, որ Պիթլիսէն Ամերիկա գաղթած ընտանիքի մը զաւակն էր։ Սարոյեանին ուղեկցած է դէպի Պիթլիս իր ուղեւորութեան ընթացքին։ «Արաս» հրատարակած է Զօպեանի «Դէպի Պիթլիս Ուիլիըմ Սարոյեանի հետ» հատորը, ուր ան պատմած է այս ուղեւորութեան մասին[1]։
Եղած է 1958-ին ապասեփականացուած Ղալաթիոյ Ս. Գրիգոր Լուսաւորիչ եկեղեցւոյ փոքր մէկ տարածքին վրայ կառուցուած համանուն եկեղեցւոյ ճարտարապետը։ Քանատա բնակութեան տարիներուն շարունակած է աշխատակցիլ «Նոր Մարմարա»ին եւ սփիւռքահայ մամուլին[2]։
Ծանօթագրութիւններ[Խմբագրել | Խմբագրել աղբիւրը]
- ↑ «Դէպի Պիթլիս Ուիլիըմ Սարոյեանի Հետ - Aras Yayıncılık»։ Դէպի Պիթլիս Ուիլիըմ Սարոյեանի Հետ - Aras Yayıncılık։ արտագրուած է՝ 2023-02-26
- ↑ «Պետրոս Զօպեան - Aras Yayıncılık»։ Պետրոս Զօպեան - Aras Yayıncılık։ արտագրուած է՝ 2023-02-26