Շեշտ (ամսագիր)

Շեշտ
Տեսակ	երգիծական ամսագիր
Լեզու	հայերէն
Խմբագիր	Վահան Թոթովենց
Հիմնադրուած է	1923
Երկիր	Հայաստան
Հրատարակման վայր	Երեւան

«Շեշտ», խորհրդային շրջանի հայկական երգիծական ամսագիր։ Լոյս տեսած է 1923 թուականին, Երեւան (3 հթիւ։ Խմբագիր՝ Վահան Թոթովենց։ Հանդիսացած է հայ խորհրդային անդրանիկ երգիծական պարբերականը։

«Դեսից դենից», «Դէմքեր ու դէպքեր» բաժիններուն մէջ թերթօնի, թեւաւոր խօսքի, ժողովրդական իմաստութեան, վճռաբանութեան, եզոպոսեան լեզուի եւ այլ միջոցներով քննադատած է նոր հասարակարգին խորթ բարքերը, սնապարծութիւնը, տգիտութիւնը։

«Շեշտ» երգիծանքի սուր սլաքը ուղղած է նաեւ նոր կեանքի կառուցման թերութիւններուն դէմ։ Սուր ծաղրի ենթարկած է կրօնն ու անոր սպասաւորները։ Աշխատակցած են Խոջիկը, Լեռ Կամսարը եւ ուրիշներ։

2018 թուականին լոյս տեսած է Համօ Սուքիասեանին եւ Նարինէ Երանոսեանին հեղինակած «Խորհրդային Հայաստանի երգիծական մամուլը 1920-ական թուականներուն» գիրքը։ Անիկա նուիրուած է «Շեշտ», «Զուռնա», «Կարմիր մոծակ» երգիծաթերթերու հիմնադրման, ընթացքին, գրաքննական հալածանքի արդիւնքով անոնց հրատարակութեան դադարեցմումի հանգամանքներուն բացանայտումին։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։