Jump to content

Նիկողայոս Ծաղկարար

Նիկողայոս Ծաղկարար
Ծնած է անհայտ
Ծննդավայր Ղրիմ, Ղրիմի խանություն
Մահացած է 1693
Մահուան վայր Թէոդոսիա, Օսմանեան Կայսրութիւն
Մասնագիտութիւն գեղանկարիչ
Ժանր գեղանկարիչ

Նիկողայոս Ծաղկարար կամ Մելանաւոր (ծննդեան թուականը անյայտ - 1693), ղրիմցի հայ նկարիչ, մանրանկարիչ, կազմարար, գրիչ եւ ոսկերիչ։ ԺԷ. դարու նշանաւոր գեղագիր։

Ապրած էր Ղրիմի մէջ եւ, հաւանաբար ալ հոն ծնած է (ծննդեան թուականը անյայտ է)։ Աշխատած է Թէոդոսիոյ Ս. Սարգիս եկեղեցւոյ մէջ իբրեւ գրիչ, ուր ալ կը գտնուի իր աճիւնը[1]։

Կաֆայի մէջ աշակերտած Է գրիչ եւ ծաղկող Զաքարիա քահանային[2]։

1686-ին, համաճարակի զոհ կ'երթան նկարիչին կինը եւ երկու աղջիկները, որոնց յիշատակին ան խաչքար մը կանգնեցնել կու տայ եւ որ կը պահպանուի եկեղեցւոյ ներքնամասը[2]։

1691-ին ուսուցած է գեղագրութիւն եւ գրքային մանրանկարչութիւն հայկական եկեղեցիներու մէջ։ Մատենադարանին մէջ կը պահուին անոր 29 ձեռագրերը, որոնք ստորագրուած են վարպետին կողմէ։

Մահացած է 1693-ին։

Ծանօթագրութիւններ

[Խմբագրել | Խմբագրել աղբիւրը]
  1. 1968-ի ամրան Ա. Մնացականեանը գտած էր Ծաղկարարին տապանաքարը, որուն շնորհիւ յայտնուած է անոր մահուան թուականը
  2. 2,0 2,1 «Ով ով է: Հայեր» հանրագիտարան, հատոր երկրորդ, գլխ. խմբ. Յովհ. Այվազեան, Հայկական հանրագիտարան հրատ., Երեւան, 2007, էջ 226: