Jump to content

Յովհաննէս Պապախանեան

Յովհաննէս Պապախանեան
Ծնած է 1 Յուլիս 1968(1968-07-01) (55 տարեկան) կամ 1 Դեկտեմբեր 1968(1968-12-01)[1] (55 տարեկան)
Ծննդավայր Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Քաղաքացիութիւն  Հայաստան
Ուսումնավայր Երեւանի Պետական Գեղարուեստաթատերական հիմնարկ
Մասնագիտութիւն դերասան

Յովհաննէս Պապախանեան (1 Յուլիս 1968(1968-07-01) կամ 1 Դեկտեմբեր 1968(1968-12-01)[1], Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), հայ դերասան, երգիչ, գեղանկարիչ, Հայաստանի Հանրապետութեան վաստակաւոր արուեստագէտ (2006)։

Կենսագրական գիծեր[Խմբագրել | Խմբագրել աղբիւրը]

Երեւանի Հրաչեայ Ղափլանեանի անուան տրամաթիքական թատրոնի առաջատար դերասան, շուրջ քսանհինգ տարի հայ հանդիսատեսը հմայած է իր բեմական կերպարներով`

  • Շէյքսփիրի «Յուլիոս Կեսար»,
  • «Մաքպեթ»,
  • «Ռոմէօ Ճիւլիեթ»,
  • Սթրաթիեւի «Աւտոպուս»,
  • Պ. Զէյթունցեանի «Յիսուս Նազովրեցի» թատերախաղերու,
  • «Լռութեան սիմֆոնիա»,
  • «Սովորական բնազդ»,
  • «Անտրոփոլոկիա»,
  • «Սեպտեմբեր»,[2]
  • «Հերոսթրատ» ժապաւէններու մէջ։

Վերջին տարիներուն անուանի արուեստագէտը կը ստեղծագործէ Միացեալ Նահանգներու մէջ՝ Լոս Անճելըս։ Պապախանեան ստանձնած է աւելի քան 190 դեր հայկական եւ ամերիկեան թատրոնի, շարժապատկերի եւ պատկերասփիւռի մէջ: Ելոյթներ ունեցած է իբրեւ երգիչ` տարբեր լեզուներով: Քանի մը մենաներկայացումներ կատարած է նաեւ անգլերէնով:

Նշանաւոր «Պրոտուէյ»-ի եւ «Քառնեկի հոլ»-ին մէջ ծափահարուած հայ դերասանը դարձած է հոլիվուտեան կարգ մը աստղերու` Էրիք Ռոպերցի, Ռիթա Կրէյի, Մարթըն Քոֆի, Ճոն Պէյրի Մուր Կրտսերի, Մալքոլմ Մաք Տաուէլի, Ճուլիա Լուիս Տրէյֆուսի եւ այլոց խաղընկերը, դասական ճազի մէջ` Ռենէ Ռոպինսընի զուգընկերը[2]:

Պարգեւներ եւ շքանշաններ[Խմբագրել | Խմբագրել աղբիւրը]

Արժանացած է Հայաստանի մշակոյթի նախարարութեան «Գ. Նարեկացի» մետալին, Թատերական գործիչներու միութեան «Արտաւազդ» եւ «Սիրանուշ» մրցանակներուն։

Միացեալ Նահանգներու Քոնկրեսի անդամ Ատամ Շիֆ եւ նահանգապետ Մայք Էրիք Քարսեթթի տարբեր տարիներու եռակի անգամ պարգեւատրած են Յովհաննէս Պապախանեանը, սակայն հայ դերասանին համար յատուկ իմաստ մը ունի Միացեալ Նահանգներու Ազգային ակադեմիայի կողմէն ստացած «ՎՈՒՏՐՕ ՈՒԻԼՍԸՆ» ոսկի մետալը։

Ծանօթագրութիւններ[Խմբագրել | Խմբագրել աղբիւրը]

  1. 1,0 1,1 Person Profile // Internet Movie Database — 1990.
  2. 2,0 2,1 «Վերադարձ` «Պատգամով» (Յովհաննէս Պապախանեան Լիբանանի Մէջ) – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2023-06-16 

Արտաքին յղումներ[Խմբագրել | Խմբագրել աղբիւրը]