Մասնակից:Marale Jo-L/Սեւագրութիւն-ՄՀ հիմնական միաւորներ

Կապեր ՄՀ-ի հիմնական միաւորներու միջեւ, իրենց սահմանող հաստատուններ եւ ֆիզիքական երեւոյթ. Վերէն սկսելով, ներսի շրջանակին վրայ,  ժամացոյցի սլաքներու ուղղութեամբ. երկվայրկեան (Δν_Cs, s, ժամանակ), քիլոկրամ (հ, kg, զանգուած), մոլ (N_A, mol, նիւթի քանակ), քանտելա (K_cd, cd, լոյսի սաստկութիւն), Քելվին (k, K, ջերմուժագիտական  ջերմաստիճան), Ամբեր (e, A, ելեկտրական հոսանք), եւ մեթր (c, m, երկարութիւն).

Միջազգային Համակարգի (ՄՀ) հիմնական միաւորները եօթը ֆիզիքական հաստատուններու շարք մըն են, որոնց անփոփոխ արժէքներէն՝ արտայայտուած ՄՀ-ի միաւորներով, կարելի է եզրակացնել համակարգի բոլոր միաւորները: ՄՀ-ի որեւէ միաւոր կարելի է ածանցել այս եօթը հաստատուններէն սկսեալ, բազմապատկութեամբ կամ բաժանումի գործողութիւն կատարելով:

Հիմնական միաւորներ

Հիմնական եօթը ֆիզիքական հաստատունները հետեւեալներն են

• Ցեզիումի (Cs քիմիական տարրը) ամենափոքր անցման յաճախականութիւնը ΔνCs, այսինքն՝ ¹³³Cs հիւլէի ուժանիւթային հիմնական վիճակի անցումը դէպի մօտ գտնուող մակարդակը
• Լոյսի արագութիւնը պարապութեան մէջ c
• Բլանքի հաստատունը h
• Տարրական ելեկտրական լիցք e
• Պոլցմանի հաստատուն k (երբեմն k_B)
• Ավոգադրոյի հաստատուն N_A
• Տուեալ միագոյն ճառագայթման (540 × 1012 Hz) լուսային արդիւնաւէտութիւնը K_cd