Հուր (ամսագիր)

Հուր, գրական, գիտական եւ հասարակական ամսագիր։ Լոյս տեսած է 1971-1974 թուականներուն, Թեհրանի մէջ (հայերէն եւ պարսկերէն)։ Խմբագիր՝ Գ. Հովակիմեան։ Տպագրած է հայ եւ պարսիկ ժողովուրդներու պատմական ու մշակութային կապերն ու փոխյարաբերութիւնները լուսաբանող յօդուածներ, ուսումնասիրութիւններ, բանասիրական գործեր։ Ծանօթացուցած է իրանահայ կեանքին, տպագրած հայ գրողներու գործեր, մանկավարժութեան վերաբերող ուսումնասիրութիւններ, մատենագիտական նիւթեր, ճանբորդական յուշագրութիւններ։

Այս յօդուածի նախնական տարբերակը կամ անկէ մասը վերցուած է Հայկական համառօտ հանրագիտարանէն, որու նիւթերը թողարկուած են` Քրիեյթիւ Քոմմընզ Նշում–Համանման տարածում 3.0 (Creative Commons BY-SA 3.0) թոյլատրագրի մէջ։