Հայկ Մարութեան

Հայկ Մարութեան
Ծնած է	18 Դեկտեմբեր 1976(1976-12-18) (48 տարեկան)
Ծննդավայր	Երեւան, Խորհրդային Միութիւն
Քաղաքացիութիւն	Հայաստան
Կրօնք	քրիստոնէութիւն
Ուսումնավայր	Հայաստանի ազգային բազմարուեստի համալսարան
Երկեր/Գլխաւոր գործ	Մեր բակը, Ալաբալանիցա?, Սիրո գործակից?, Սուպեր մամա? և Սուպեր մամա 2?
Մասնագիտութիւն	շարժապատկերի դերասան, քաղաքական գործիչ, ժապաւէն արտադրող և հեղինակ
Վարած պաշտօններ	Երեւանի քաղաքապետ
Կուսակցութիւն	Քաղաքացիական Պայմանագիր և Ազգային առաջընթաց կուսակցություն?

Հայկ Հրաչեայի Մարութեան (18 Դեկտեմբեր 1976(1976-12-18), Երեւան, Խորհրդային Միութիւն), յայտնի է «Կարգին հաղորդում», «Կարգին սերիալ» եւ շարք մը այլ հանրաճանաչ հումորային մանրապատումներէն եւ ֆիլմերէն։ ՈՒՀԱ «Հայկական պրոյեկտ» խումբի նախկին անդամ։

Կէնսագրութիւն

Հայկ Մարութեանը 7 տարի ուսանած է Երեւանի №83 միջնակարգ դպրոցին մէջ, 8-10-րդ դասարանները՝ Անանիա Շիրակացիի անուան ճեմարանին մէջ։ 1992 - 1997 թուականերուն ուսանած է Երեւանի Պետական Ճարտարագիտական Համալսարանին մէջ։ 1995-2002 թուականին խաղացած է պոլիտեխնիկական ինսդիդուդի «Հայկական պրոյեկտ» ՈւՀԱ խումբին մէջ։ 1996- 2002 թուականին աշխատած է «Շարմ» ընկերութեան մէջ իբրեւ ռեժիսդըր, դերասան՝ «220 վոլտ», «Վայլուր», «Մեր բակը», «Մեր բակը 2», «Թոյն կասետ», «Ուրիշ կասետ», «Բանդա», «Կոմերցիոն ներկայացում» («Արմենիա» հեռուստաընկերութեան հետ համատեղ)։ 2002 թուականին ընկերներու հետ համատեղ հիմնած է «Կարգին ստուդիա» ընկերութիւնը, ուր աշխատած է իբրեւ դերասան, ռեժիսդըր եւ բեմադրիչ։ Համատեղ ստեղծած է հետեւյալ նախագծերը՝ «Կարգին հաղորդում», «Կարգին սերիալ»,«Ալա Բալա Նիցա»։ Նաեւ մասնակցած է բոլոր նախագծերուն մէջ իբրեւ դերասան։ Մասնակցած է բազմաթիւ հեռուստատեսային եւ կինոնկարահանումներու։ 2012 թուականին հանդիսացած է «Շանթ» հեռուստաընկերութեան «Կանխիկ հումոր» հեռուստանախագծի ժիւրիի անդամ։

Ամուսնացած է ազգութեամբ չեխ կնոջ՝ Իվայի հետ, որու հետ ծանօթացած է 2004-ին, երբ վերջինս որպէս կամաւոր կ'աշխատէր Սպիտակի մէջ, «Կարմիր խաչի» առաքելութեան ներքեւ։ Ունի երկու երեխայ. դուստրը՝ Ալիսան, որդին՝ Արթիւրը։

2018 թ․ Մայիսէն սկսած` բուռն մասնակցութիւն ունեցած է Հայաստանի մէջ տեղի ունեցած «Իմ քայլը» շարժման։

2022-2023 թթ․ բեմ վերադարձած է նոր «Քաղաքապետը» մոնոներկայացմամբ։

Ֆիլմագրութիւն

տարի	ֆիլմ	մասնակցությունը որպէս՝
1996	«220 վոլտ»	դերասան
1996	«Վայլուր»	դերասան
1996	«Մեր բակը»	դերասան
1998	«Մեր բակը - 2»	դերասան
2000	«Թոյն կասետ»	դերասան
2000	«Ուրիշ կասետ»	դերասան
2000	«Բանդա»	դերասան
2001	«Կոմերցիոն ներկայացում»	դերասան
2002 - 2009	«Կարգին Հաղորդում»	դերասան, բեմադրիչ
2007 - 2009	«Կարգին Մուլտեր»	դերասան
2010 - 2013	«Կարգին Սերիալ»	դերասան, բեմադրիչ
2011	«Ալա Բալա Նիցա»	դերասան, բեմադրիչ
2014	«Սուպեր Մամա»	դերասան, բրոտյոուսըր

Հասարակական գործունէութիւնը

Հայկ Մարութեանը դերասանական եւ բրոդիւսըրական գործունէութեան հետ միաժամանակ աքդիվութիւն կը ցուցաբերէ նաեւ հասարակական կեանքին։ Յատկապէս ան իր ընկերներու եւ ընտանիքի անդամներուն հետ սկիզբ կը դնէ «Freecar» նախաձեռնութեան 2013-ի Յուլիսին, դրանսբորդի թանկացման դէմ Երեւան քաղաքին մէջ տեղի ունեցող բողոքի ակցիաներու ժամանակ։ Մասնաւորապէս, անոնք իրենց մեքենաներով կանգառներու մէջ հասարակական դրանսբորդին սպասող քաղաքացիներուն անվճար կը տեղափոխէին Երեւան քաղաքի տարբեր վայրեր, իսկ անոնց կանայք՝ քաղցրաւենիք կը բաժնէին հասարակական դրանսբորդի վարորդներուն։ Հետեւելով Հայկօյի օրինակին՝ այդ նախաձեռնութեան սկսան միանալ նաեւ հայկական շոուբիզնեսի այլ ներկայացուցիչներ, դերասաններ եւ պարզապէս՝ հասարակ քաղաքացիներ։

25 Յունուար 2014 թուականին Հայկօն, իր ընտանիքին հետ եւ ՈՒՀԱ-ի «Նոր Հայեր» խումբի նախկին անդամ Արտակ Գասպարեանը իրականացուցին նոր բարեգործական նախաձեռնութիւն՝ շարժական ճաշարան, Երեւան ապրող սոցիալապէս անապահով քաղաքացիներու համար։

Արտաքին յղումներ

• avproduction.am/Հայկ Մարութեան Archived 2021-11-29 at the Wayback Machine.
• facebook/hayk.marutyan
• ԿինոՊոիսկ
• IMDb