Հայկական Կակաչ

Հայկական Կակաչ

Հայկական կակաչ (լատ.՝ Papaver armeniacum), կակաչազգիներու ընտանիքի պատկանող բուսատեսակ։ Առաջին անգամ նկարագրած է Օգոստին Պիրամուս տը Կոնտոլը։ Հայկական կակաչը նաեւ կ՛անուանուի անատոլական կակաչ:

Նկարագիր

Հայկական կակաչը միամեայ, երկամեայ կամ բազմամեայ, 20-40 սմ բարձրութեան հասնող բոյս է, ծաղիկը թաւշեայ է, ալ կարմիր գոյնի, ցողունը՝ կանաչ, կոկոնը նշտարաձեւ է, տերեւները նստադիր են եւ մազմզոտ։ Կը ծաղկի Յուլիս-Օգոստոս ամիսներուն։ Ծաղիկները համեմատաբար փոքր են, նուրբ, ճառագայթաձեւ եւ համաչափ։ Պտուղը 0.8- 1.2 սմ ունեցող պարկուճ է, սերմերը մանր են։

Տարածումը

Հայկական կակաչը կ՛աճի 1700-էն մինչեւ 3400 մեթր բարձրադիր տարածքներու վրայ՝ հողի մանրախիճ կամ կրաքարային բաղադրութիւն ունեցող վայրերու մէջ։

Կը հանդիպի Թուրքիոյ հարաւ-արեւելքին, Վանա լիճին եւ Արարատ լերան մերձակայ վայրերուն մէջ, ինչպես նաեւ՝ Իրանի եւ Հայաստանի բարձրադիր գօտիներուն վրայ։

Աղբիւրներ

• http://papaver.frh.ch/papaverarmeniacum.html
• Herbarium in Kew Gardens
• Herbarium des Royal Botanic Garden Edinburgh
• Van Herbarium
• Natural History Museum, Linnaean Plant Name Typification Project
• Illustration aus Giorgio Bonelli (1783-1816), Hortus Romanus juxta Systema Tournefortianum, Band 4, Taf. 66