Կոմունիզմի Ուղիով

«Կոմունիզմի ուղիով» խորհրդային շրջանի հայկական երկօրեայ թերթ։ Հանդիսացած է ՀԿԿ էջմիածնի շրջկոմի, ժողովրդական դէպուտատներու շրջանային եւ քաղաքային սովետներու օրգանը։ Առաջին անգամ լոյս տեսած է 1964 թուականին, էջմիածնի մէջ։

Լուսաբանած է արտադրական ձեռնարկութիւններու ու գիւղատնտեսական միաւորումներու աշխատանքային գործունէութիւնը։ Կարեւոր տեղ կը յատկացնէր «ժողովուրդներու բարեկամութեան ու պրոլետարական ինտէրնացիոնալիզմին», «սովետական հայրենասիրութեան» եւ երիտասարդութեան կոմունիստական ագիտացիոն դաստիարակութեան հարցերուն։ Կը լուսաբանէր շրջանի հասարակական, մշակութային եւ մարզական առօրեան, կը տպագրէր բժշկական, իրաւաբանական խորհուրդներ։

Յաջորդած է «Բամբակի համար» (1931—1934), «Կոլխոզ ֆրոնտ» (1934-1955), «էջմիածնի կոլտնտեսական» (1956-1962) եւ «Կոմունիզմի ուղիով» (միջշրջանային, 1962-1964) թերթերուն։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։