Կարի Մուշեղեան

Կարի Մուշեղեան
Ծնած է 19 Մայիս 1910(1910-05-19)
Ծննդավայր Երեւան, Կովկասի Փոխարքայութիւն, Ռուսական Կայսրութիւն
Մահացած է 1986
Քաղաքացիութիւն  Ռուսական Կայսրութիւն
 Խորհրդային Միութիւն
Մասնագիտութիւն դերասան, բեմադրիչ
Աշխատավայր Գաբրիէլ Սունդուկեանի անուան ակադեմական թատրոն
Գիւմրիի Վարդան Աճեմեանի անուան պետական թատրոն
Երեւանի պետական տիկնիկային թատրոն
Հայֆիլմ
Անդամութիւն ԽՍՀՄ շարժանկարիչներու միութիւն

Կարի Արմենակի Մուշեղեան (19 Մայիս 1910(1910-05-19), Երեւան, Կովկասի Փոխարքայութիւն, Ռուսական Կայսրութիւն - 1986), խորհրդային հայ դերասան, բեմադրիչ, ՀԽՍՀ վաստակաւոր արուեստագէտ, ՀԽՍՀ շարժանկարիչներու միութեան անդամ (1 Մարտ, 1981)[1]։

Կենսագրութիւն[Խմբագրել | Խմբագրել աղբիւրը]

Կարի Մուշեղեան ծնած է 1910-ին, Երեւան։

  • 1928-1932 թուականներուն ուսած է թատերական արհեստանոցին մէջ։
  • 1928-1941 թուականներուն հանդէս եկած է Երեւանի Սունդուկեանի անուան ակադեմիական թատրոնին մէջ։
  • Խաղացած է 32 դեր, տարբեր ներկայացումներու մէջ։ Աշխատած է որպէս դերասան, բեմադրիչ եւ բեմանկարիչ։ Միաժամանակ գրած է թատերական կտորներ, կատարած է թարգմանութիւններ, որոնցմէ 15-ը բեմադրուած են շարժապատկերի եւ թատրոնի մէջ:
  • 1953-էն հանդէս եկած է «Հայֆիլմ ստուդիա»յի մէջ։
  • 1964-էն՝ կրկնօրինակման բեմադրիչ։
  • 1943-1946 թուականներուն աշխատած է Լենինականի Մռաւեանի անուան տրամայի թատրոնին մէջ։
  • 1946-1952 թուականներուն եղած է Երեւանի Յ․ Թումանեանի անուան տիկնիկային թատրոնի տնօրէն ու գլխաւոր բեմադրիչ։ Թատրոնին մէջ միաժամանակ կը բեմադրուէին ներկայացումներ թէ՛ չափահասներու (երեկոյեան ժամերուն) եւ թէ՛ փոքրերու (ցերեկոյթ) համար։ «Կիւլվերի Ճամբորդութիւնը » ներկայացումը եզակի ներկայացում մը կը համարուի։ Յատուկ հաստոց մը պատրաստուած էր, որուն օգնութեամբ Կիւլվերի դերը կը կատարէր սովորական դերասան մը, իսկ թզուկներուն դերը՝ տիկնիկները։ Մոսկուայի տիկնիկային թատրոնի ղեկավար Սերգէյ Օպրազցով գաղտնաբար կը ժամանէ Երեւան եւ տոմս մը գնելով իբրեւ սովորական հանդիսատես ներկայ կը գտնուի ներկայացման։ Ներկայացումէն ետք կը մօտենայ Մուշեղեանին, կը ներկայացնէ ինքզինք, կը գրկէ եւ իր հիացմունքը կը յայտնէ։ Երկու ամիս ետք Մուշեղեան պաշտօնապէս կը հրաւիրուի աշխատելու Մոսկուայի տիկնիկային թատրոնին մէջ, սակայն ընտանեկան հանգամանքներու բերումով վերջինս կը ստիպուի հրաժարիլ հրաւերէն։
  • 1981-ին կը դառնայ թոշակառու[2]։

Ֆիլմագրութիւն[Խմբագրել | Խմբագրել աղբիւրը]

Դերերը շարժապատկերի մէջ[Խմբագրել | Խմբագրել աղբիւրը]

Տարի Ֆիլմ Դեր
1964 Պարոն Ժագը եւ ուրիշները

Քաղաքավարութեան վնասները

Պեպիկ աղա
1961 Տժվժիկ դրուագ
1954 Լեռնային լիճի գաղտնիքը երկրաբան
1948-1949 Ստալինգրատի ճակատամարտ Անաստաս Միկոեան
1946 Երդում Անաստաս Միկոեան
1941 Սովետական լեզուի դասը Արշակ
1939 Մեր կոլխոզի մարդիկ Միքայէլ
1939 Լեռնային արշաւ Արշակ

Բեմադրիչ[Խմբագրել | Խմբագրել աղբիւրը]

Տարի Ֆիլմ
1963 Կրակ

Հեղինակ[Խմբագրել | Խմբագրել աղբիւրը]

Տարի Ֆիլմ
1963 Կրակ

Ծանօթագրութիւններ[Խմբագրել | Խմբագրել աղբիւրը]

  1. «Գարի Մուշեղեանի մասին»։ արխիւացուած է բնօրինակէն-էն՝ 2019-04-07-ին։ արտագրուած է՝ 2015-09-05 
  2. Գարի Մուշեղեանի մասին