Թորոս Զիֆլեան
Զիֆլեան Թորոս (1951,Իսթանպուլ), Սփիւռքահայ գրող:
Յաճախած է Գարակէօզեան, Նիկոսիոյ Մելքոնեան եւ Կեդրոնական վարժարանները։ Աշակերտած է Արսէն Ճանեանի, Հայկազուն Գալուստեանի, Վարդան Կոմիկեանի եւ Արեգ Տիրազանի։ 1968-ին հաստատուած է Սիտնի։
Սփիւռքահայ գրող Թորոս Զիֆլեան կը մշակէ մաքուր եւ վճիտ լեզուով գրականութիւն։ Սփիւռքի ներկայ կացութիւնը յուզող բազում հարցերու կողքին՝ Թորոս Զիֆլեանի գործերուն մէջ ներկայ է Հայոց Եղեռնը։ Այս տխուր իրողութեան վկայութիւնն է իր վերջին գիրքին մաս կազմող «Մարեմանօթը» խորագրեալ պատմուածքը, որ կը յատկանշուի իր յուզական խորքով, ինչպէս նաեւ՝ հայ եւ թուրք ազգերու միջեւ գոյացած դարաւոր ատելութեամբ[1]։
Գործերէն
[Խմբագրել | Խմբագրել աղբիւրը]*Անզէն Հերոսներ (պատմուածքներ)- Սիտնի, 1988
*Վերապրողներու Պարահանդէս (պատմուածքներ), Սիտնի, 2000
*Խօսքկապ (պատմուածքներ), Սիտնի 2000
Ծանօթագրութիւններ
[Խմբագրել | Խմբագրել աղբիւրը]- ↑ «Թորոս Զիֆլեանի մասին»։ արխիւացուած է բնօրինակէն-էն՝ 2020-07-16-ին։ արտագրուած է՝ 2020-08-20