Թալլինի Հայկական Ազգային Միաւորում
Թալլինի Հայկական Ազգային Միաւորում ,(սկիզբը կոչուած է Թալլինի եւ Էսթոնիոյ հայերու միաւորում, ապա Թալլինի հայկական մշակութային ընկերութիւն), ստեղծուած է 1987-ին, գրանցուած՝ 1988-ին։ Հիմնադրման օրէն ի վեր վարչութեան նախագահն է Արտէմ Դաւիթեանը: Այս միաւորումին նպատակն է պահպանել հայոց լեզուն եւ մշակոյթը Էսթոնիոյ միջավայրին մէջ նաեւ զանոնք հաղորդակից դարձնել Էսթոնական մշակոյթին, նպաստել հայ-էսթոնական բարեկամութեան։
Ընկերութիւնը կը կազմակերպէ հաւաքոյթներ՝ նուիրուած Հայաստանի պատմութեան նշանակելի թուականներուն։Էսթոնիոյ հանրապետական մամուլին մէջ կը հրատարակուի յօդուածներ Հայոց Ցեղասպանութեան եւ Արցախահայութեան պայքարին վերաբերեալ։
Ընկերութեան նախաձեռնութեամբ 1989-ի Ապրիլին Հաապսալու քաղաքի այն տան պատին, ուր մանկութիւնը անցուցեր է հայ ժողովուրդի բարեկամ՝ էսթոնուհի միսիոնար Աննա Հետուիկ Պիուլլը (Պիուլլ մայրիկ), փակցուած է յուշատախտակ՝ էսթոներէն եւ հայերէն մակագրութեամբ[1]:
Ծանօթագրութիւններ
[Խմբագրել | Խմբագրել աղբիւրը]- ↑ Հայ Սփիւռք հանրագիտարան, Երեւան, Հայկական հանրագիտարան հրատարակչութիւն, 2003, էջ 172։
|
Ասիկա անաւարտ յօդուած մըն է։ Դուք կրնաք օգնել Ուիքիփետիային՝ զայն ուղղելով եւ լրացնելով։ Այս նշումը հարկաւոր է փոխարինել համապատասխան թեմաթիք նշումով։ |