Թագաւորական Բանակի եւ Ռազմական Պատմութեան Պելճիքական Թանգարան

Jump to navigation Jump to search

Կոորդինատներ: 50°50′30″ հս․. լ. 4°23′29″ ավ. ե. / 50.841669° հս․. լ. 4.391389° ավ. ե. / 50.841669; 4.391389

Թագաւորական բանակի եւ ռազմական պատմութեան պելճիքական թանգարան

Թագաւորական բանակի եւ ռազմական պատմութեան պելճիքական թանգարան (ֆրMusée Royal de l'Armée, հոլKoninklijk Legermuseum), ռազմապատմական թանգարան Պրիւքսէլի մէջ:

Մեծ ռազմական թանգարանը կը գտնուի Պրիւքսէլի կեդրոնէն որոշ հեռաւորութեան վրայ՝ Յիսունամեակի Պուրակ համալիրին տարածքին: Թանգարանին մուտքը վճարովի է, արժէքը՝ 10€:

Կ՛աշխատի առաւօտեան ժամը 9-էն սկսեալ:

Պատմութիւն[Խմբագրել | Խմբագրել աղբիւրը]

1910-ին կազմակերցուած ցուցահանդէսի մը ժամանակ պատրաստուած էր Պելճիքայի ռազմական պատմութեան նուիրուած տաղաւար, որ մեծ հետաքրքրութիւն առաջացուց այցելուներուն մօտ: Այդպիսով մշտապէս գործող թանգարան ունենալու միտքը առաջացաւ: Սկիզբը թանգարանը կը նախատեսուէր կառուցել Քամպրէ (l'Abbaye de la Cambre) վանքին տարածքին մէջ: 1923-ին թանգարանը բացուեցաւ Պրիւքսէլի Յիսունամեակի Պուրակ համալիրին տարածքին:

Հաւաքածոյ[Խմբագրել | Խմբագրել աղբիւրը]

Թանգարանին մէջ ներկայացուած է զինկառուցուածքի մեծ հաւաքածոյ, սառ եւ հրաձգային զէնքեր, հրետանի, թանկեր, ռազմական մեքենաներ, ինքնաթիռներ (ներառեալ՝ Junkers Ju 52-ը), զինուորական համազգեստներ, հանդերձանքներ, ռազմական կենցաղավարութեան առարկաներ, ինպէս նաեւ միջնադարեան եւ ժամանակակից զէնքներու տարբեր տեսակներ:

Թանգարանին հաւաքածոն աշխարհի ամենամեծ ռազմապատմական հաւաքածոներէն մէկն է: Թանգարանը ունի 100 մեթր երկարութեամբ առանձին տաղաւար, ուր ներկայացուած են ռազմական ինքնաթիռներ՝ օդափոխիչներու ամենաառաջին տեսակներէն մինչեւ ժամանակակից արձագանգող ինքնաթիռներ, ինչպէս նաեւ՝ թնթանօթներու ցուցադրութեան բակ:

Բազմաթիւ ցուցադրանմուշներ նուիրուած են գաղութային նուաճումներու ժամանակաշրջանին, առաջին եւ երկրորդ համաշխարհային պատերազմներուն:

Ռուսական հաւաքածոյ[Խմբագրել | Խմբագրել աղբիւրը]

Ռուս կայսրեր Նիկոլա Ա.ի, Ալեքսանտր Բ.-ի եւ Ալեքսանտր Գ.-ի համազգեստները:

Թանգարանին մէջ կը գտնուի Ռուսական կայսրութեան բանակին բացառիկ հաւաքածոն, կազմուած՝ համազգեստներէ, խորհրդանշաններէ, զէնքերէ, շքանշաններէ եւ մետալներէ: Թանգարանին ռուսական բաժանմունքը հիմնած է պելճիքական բանակի գնդապետ, թանգարանի տնօրէն Լ. Լեկոնտ: Թանգարանին մէջ ներկայացուած են հաւաքածոներ՝ նուիրուած կազակական գունդի Լէյբ-կուարտիային: Մեծ հաւաքածոն նուիրուած է Առաջին համաշխարհային պատերազմին եւ անոր՝ Ռուսիոյ մասնակցութեան[1]: Ցուցադրանմուշներուն մեծ մասը թանգարանի հաւաքածոյին մէջ ներառուած է յեղափոխութենէն ետք: Թանգարանին յանձնուած են Սան Փեթերպուրկէն բերուած ռուս կայսրեր Նիկոլա Ա.ի, Ալեքսանտր Բ.-ի եւ Ալեքսանտր Գ.-ի համազգեստները։

Պատկերասրահ[Խմբագրել | Խմբագրել աղբիւրը]

Ծանօթագրութիւններ[Խմբագրել | Խմբագրել աղբիւրը]

Արտաքինյղումներ[Խմբագրել | Խմբագրել աղբիւրը]