Երեկոյեան Երեւան

Երեկոյեան Երեւան Երեկոյան Երևան
Տեսակ	թերթ
Լեզու	հայերէն
Հիմնադրուած է	1957

Երեկոյեան Երեւան, խորհրդային շրջանի օրաթերթ, Հայաստանի կոմունիստական կուսակցութեան (ՀԿԿ) Երեւանի քաղաքային կոմիտէի եւ աշխատաւորներու դէպուտատներու Երեւանի քաղաքային խորհուրդի օրգան։ Առաջին անգամ լոյս տեսած է 1957 թուականին, Երեւանի մէջ։ Խմբագիրներ՝ Ա․ Երիցեան (1957-1958 թուականներէն), Գուրգէն Առաքելեան (1958-1959 թուականներ), Բ․ Անանիկեան (1959-1963 թուականներ), Վ․ Սարգսեան (1963-1966 թուականներ), Ս․ Աւետիսեան (1966-1971 թուականներ), Ս․ Սարգսեան (1971-1975 թուականներ), Կ․ Ազարեան (1976 թուականէն)։

Լուսաբանած է Երեւանի կուսակցական եւ խորհրդային մարմիններու գործունէութիւնը, «Երեկոյեան Երեւան» թերթի գլխագիրը ձեռնարկութիւններու, գիտահետազօտական հիմնարկութիւններու, մշակութային օջախներու, ուսումնական հաստատութիւններու աշխատանքները։ Լայն տեղ յատկացուցած է սոցիալիստական ինտերնացիոնալիզմի հարցերուն (բարեկամ քաղաքներու մրցութիւն, անդրկովկասեան հանրապետութիւններու մայրաքաղաքներու՝ երեկոյեան թերթերու համատեղ համարներ եւ այլն), առաջաւոր ձեռնարկութիւններու փորձի փոխանակման, անդրադարձած է սանտրի, երթեւեկութեան, կապի, բնակչութեան բուժսպասարկման խնդիրներուն։ Թերթին աշխատակցած են արդիւնաբերութեան եւ մշակոյթի բնագաւառներու լաւագոյն համարուող ներկայացուցիչները։

Տպագրած է նիւթեր քաղաքի մշակութային եւ մարզական առօրեայի մասին, գրախօսութիւններ, բժշկական եւ իրաւաբանական խորհրդատուութիւններ, ընթերցողներու նամակներ։ 1957-1964 թուականներուն լոյս տեսած է «Երեւան» անունով։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։