Գրիգոր Տէր Գրիգորեան

Գրիգոր Տէր Գրիգորեան
Ծնած է	15 Յունուար 1916(1916-01-15)
Ծննդավայր	Երեւան, Կովկասի Փոխարքայութիւն, Ռուսական Կայսրութիւն
Մահացած է	5 Նոյեմբեր 1981(1981-11-05) (65 տարեկանին)
Մահուան վայր	Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Քաղաքացիութիւն	Խորհրդային Միութիւն
Ուսումնավայր	Հայաստանի ազգային բազմարուեստի համալսարան Խ. Աբովեանի Անուան Մանկավարժական Համալսարան
Մասնագիտութիւն	թատերագիր, Խմբագիր
Աշխատավայր	Աղասի Խանջեանի Անուան Թիւ 53 Դպրոց Հայաստանի Գիտութիւններու Ազգային Ակադեմիայի Պատմութեան Հիմնարկ Հայաստանի Գրողներու Միութիւն Գրական թերթ «Ոզնի»
Անդամութիւն	Խորհրդային Հայաստանի Գրողներու Միութիւն
Կուսակցութիւն	Խորհրդային Միութեան համայնավարական Կուսակցութիւն

Գրիգոր Տէր Գրիգորեան (ծանօթ է նաեւ Գիգի անունով, 15 Յունուար 1916(1916-01-15), Երեւան, Կովկասի Փոխարքայութիւն, Ռուսական Կայսրութիւն - 5 Նոյեմբեր 1981(1981-11-05), Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), հայ թատերագիր, արուեստի վաստակաւոր գործիչ եւ Խորհրդային Հայաստանի Գրողներու միութեան անդամ։

Կենսագրական գիծեր

Ծնած է Երեւան: Ուսումը ստացած է Երեւանի Քրուքսկայայի անուան ցուցադրական դպրոցին մէջ, ուրկէ շրջանաւարտ ըլլալէ ետք իբրեւ ուսուցիչ պաշտօնավարած է Արմաւիրի մարզի կեդրոն Հոկտեմբերեան շրջանին մէջ՝ 1931-1932 թուականներուն, ապա Երեւանի Աղասի Խանջեանի անուան դպրոցին մէջ՝ 1932-1934 թուականներուն միջեւ:

Վարած պաշտօններ

Գրիգորեան ժամանակ մը ետք իր բարձրագոյն ուսումը ստանալու համար ընդունուած է Երեւանի բազմարուեստեան հիմնարկի շինարարական բաժինը, ուրկէ շրջանաւարտ եղած է 1939 թուականին: Այնուհետեւ իբրեւ ճարտարագէտ աշխատած է Ռուսաստանի եւ Երեւանի տարբեր գործարաններու մէջ։

1941-1946 թուականներուն պաշտօնավարած է ռազմական օդային յատուկ դպրոցին մէջ, սակայն ժամանակ մը ետք դարձեալ ուսանելու համար դուրս եկած է աշխատանքէն եւ 1947 թուականին աւարտած է Երեւանի Խաչատուր Աբովեանի անուան հայկական մանկավարժական կաճառի պատմութեան բաժինը:

Նոյն թուականին՝ 1947-ին իբրեւ գիտաշխատող պաշտօնավարած է Գիտութիւններու ակադեմիայի պատմութեան բաժանմունքէն ներս:

Գրիգորեան 1951-1955 թուականներուն եղած է Հայաստանի Գրողներու միութեան վարչութեան քարտուղար, միաժամանակ վարելով «Գրական Թերթ»ի խմբագիրի պաշտօնը։

1955-1981 թուականներուն եղած է «Ոզնի» երգիծական հանդէսի խմբագիրը:

Ստեծագործութիւններ

Գրիգորեանի ստեծագործութիւններն ու պատմուածքները վերածուած են թատրերգութիւններու, ներկայացուելու համար Գաբրիէլ Սունդուկեանի անուան թատրոնին մէջ. անոնցմէ են՝

• «Այս աստղերը մերն են» (1949),
• «Սոֆիկի սխալը» (1956),
• «Ամէն ինչ կամ ոչինչ» (1961),
• «Մեռնող Ֆլորա» (1962),
• «Իմ սիրելի ժորժ...» (1963),
• «Գարնան անձրեւ» (1969) եւ ուրիշներ:

Ռուսերէն լեզուով լոյս տեսած է գրողի «Սոֆիկի սխալը» պատմուածքներու ժողովածոն:

Շքանշաններ

• Գրիգոր Տէր-Գրիգորեան արժանացած է՝
  • «Աշխատանքային Կարմիր Դրօշ»,
  • «Պատուոյ նշան» շքանշաններուն:

• Այսօր անոր անունով կը կոչուի Երեւանի Զաքեան եւ Վազգէն Սարգիսեան փողոցները իրար միացնող փողոցը: