Գողթանիկ (Արցախ)

Գողթանիկ
Գիւղական համայնք
	Գողթանիկ
	ազրպ.՝ Pircahan
Երկիր	Արցախ
Ժամային գօտի	UTC+4։00

Գողթանիկ, գիւղական համայնք Լեռնային Ղարաբաղի Հանրապետութեան Քաշաթաղի շրջանին մէջ: Կը գտնուի հանրապետութեան հիւսիս արեւմտեան կողմը։ Բերձորէն 30 Քմ հեռաւորութեան վրայ, իսկ մայրաքաղաք Ստեփանակերտէն՝ 80 Քմ հեռաւորութեան վրայ։

Շրջանը բարձր է եւ լեռնային, ունի 1927,5 հա տարածք, որմէ 428,3 հա կ'օգտագործուի գիւղատնտեսութեան, 1403,5 հա անտառային հողեր են։ Գողթանիկի սահմանային գօտիով կը հոսի Շալվա գետին վտակը։ Ազատագրուած է Մարտ 1993-ին, բնակուած է 1994-ին՝ Ազրպէյճանէն բռնագաղթած հայ փախստականներով։

Քաշաթաղի Գողթանիկ գիւղին դպրոցին մէջ 2017-էն ի վեր ստեղծագործարան մը կը գործէ, ուր առկայ են ձեռագործի, տիկնիկային թատրոնի, թուղթէ եւ կերպընկալէ իրերու վերամշակման եւ բնապահպանական խմբակներ: Գողթանիկի ստեղծագործարան կը յաճախեն դպրոցին 32 աշակերտները^[1]։

27 Սեպտեմբերին Ազրպէյճանի կողմէ Արցախի Հանրապետութեան դէմ սկսած պատերազմական գործողութիւններուն իբրեւ հետեւանք Ազրպէյճանի վերահսկողութեան տակ կ'անցնի Գողթանիկ գիւղը^[2]: