Գերերեւակայութիւն
Գերերեւակայութիւն (անգլերէն՝ Maladaptive daydreaming կամ excessive daydreaming)՝ հոգեբանական գաղափար՝ առաջին անգամ ներկայացուած Eli Somer֊ի կողմէ[1], որպէսզի նկարագիրի բազմակողմանի երեւակայութեան դրսեւորումը, որ տուեալ պահուն կը փոխարինէ մարդկային շփումը եւ/կամ կը խանգարէ կրթական, միջանձնային կամ մասնագիտական գործունէութիւնը: Այն կրնայ առնչութիւն ունենալ մանկութեան ժամանակ յուզական առհամարանքի կամ վիրաւորանքի հետ, որն ալ զոհերուն կը մղէ կտրուիլ սպառնալի աշխարհէն եւ իրենց նիւթական գոյութենէն[2]:
Յայտնի Գործառոյթներ[Խմբագրել | Խմբագրել աղբիւրը]
Գերերեւակայութեան յայտնի գործառոյթները կը ներառեն ջղայնութենէ եւ ցաւէ ձերբազատումը՝ տրամադրութեան բարձրացման եւ երազանքներու իրականացման մտապատրանքներու միջոցով, ընկերակցութիւնը, մտերմութիւնը եւ հանգստութիւնը[1]:
«Բոլոր նիւթերը [անձինք] պնդած են, որ իրենց մտապատրանքներու կարեւոր գործառոյթը կրկնակի է․ [նախ] անջատումն ապրելու ցաւէն եւ [յետոյ] դժբախտութեան մոգական փախակերպումը ցանկալի իրադաձութիւններու»:
Ախտանիշները[Խմբագրել | Խմբագրել աղբիւրը]
հակառակ անոր որ կան գերերեւակայութեան բազմաթիւ բնորոշ ախտանիշներ, այս խանգարումը տանողները պարտադիր չէ անխուսափելիօրէն ունին անոնք բոլորը:
Յաճախ գերերեւակայողներն կ'ունենան «դրդիչներ», որոնք սկիզբ կու տան իրենց մտապատրանքներուն: Յաճախ հանդիպող դրդիչներէն են գիրքերը, ֆիլմերը եւ երաժշտութիւնը: Գերերազողները հնարաւոր է, որ նաեւ ունենան դժուարութիւններ առթննալու կամ քնանալէ առաջ մտապատկերներ ունենալու պատճառով: Յաճախ, երբ գերերազողները կ'երազեն, անոնք կրնան շշնջալ, խօսիլ, դէմքի տարբեր արտայայտութիւններ ընդունիլ կամ կատարել ինչ-որ կրկնուող բնոյթի շարժումներ:
Գերերազողները կրնան ժամեր անցկացնել երազելով: Անոնք կրնան ունենալ մանրամասնօրէն մտածուած պատրանքներ իրենց մտքին մէջ, որոնք յաճախ համեմատելի կ'ըլլան ամբողջական վէպի կամ ֆիլմի հետ: Շատերը կ'ունենան աւելին քան մէկ մտապատրանք՝ իւրաքանչիւրն իր առանձին կերպարներով, շրջապատող միջավայրով, նիւթով եւ այլն: Գերերեւակայողները, հնարաւոր է, որ նաեւ յուզականօրէն կապուին իրենց մտացածին կերպարներուն հետ, չնայած այն հանգամանքին, որ անոնք գիտեն, որ կերպարները իրական չեն[3]:
Պարբերական Թեմաներ[Խմբագրել | Խմբագրել աղբիւրը]
- Իտէալականացուած եսը,
- Բռնութիւնը,
- Ուժը եւ իշխանութիւնը,
- Գերութիւնը,
- Փրկութիւնը եւ ազատումը,
- Սեռական գրգռումը:
Լուսաբանումը Զլմ-ներում[Խմբագրել | Խմբագրել աղբիւրը]
Չնայած այն պաշտօնապէս չէ ճանչցուած իբրեւ խանգարում կամ ախտավիճակ, գերերեւակայութիւնը արժանացած է որոշակի ուշադրութեան լրատուամիջոցներու կողմէ[4][5][6]:
Տե՛ս Նաեւ[Խմբագրել | Խմբագրել աղբիւրը]
Ծանօթագրութիւններ[Խմբագրել | Խմբագրել աղբիւրը]
- ↑ 1,0 1,1 1,2 Somer Eli։ «Maladaptive Daydreaming: A Qualitative Inquiry»։ Journal of Contemporary Psychotherapy։ Journal of Contemporary Psychotherapy։ արտագրուած է՝ մայիսի 18, 2014
- ↑ Ardino, Vittoria (խմբգր․)։ Post-Traumatic Syndromes in Childhood and Adolescence։ Chichester, West Sussex, UK: Wiley-Blackwell։ էջ 162։ ISBN 978-0-470-66929-7
- ↑ "Maladaptive Daydreaming- What Is It?" -Medical Daily
- ↑ The Atlantic featured an article on Maladaptive Daydreaming. "When Daydreaming Replaces Real Life Should elaborate fantasies be considered a psychiatric disorder?" (April 2015)
- ↑ CBC Radio's The Current featured an episode on the subject called "Maladaptive daydreaming, a debilitating condition with no escape" (June 2015)
- ↑ Living in an Imaginary World. Scientific American (January 2014)