Աւստրիոյ Ժողովրդական Կուսակցութիւն
Աւստրիական Ժողովրդական Կուսակցութիւնը, կարճ՝ ԱԺԿ (Գերմ.՝ Österreichische Volkspartei, կարճ՝ ÖVP. արտաքին ներկայացուցչութեան մէջ 2017-2022 թուականներուն նաեւ «Նոր ժողովրդական կուսակցութիւն», ապա՝ «Ժողովրդական կուսակցութիւն») Աւստրիոյ աւանդական մեծ կուսակցութիւններէն մէկն է։ Ան կը ներկայացնէ միջին դասակարգը, պահպանողական խաւը եւ աւանդաբար կը համարուի տնտեսութեան, հողագործներու եւ Հռոմէական Կաթոլիկ եկեղեցւոյ մօտիկ։
ԱԺԿ-ն բաժնուած է տարածքայինօրէն[1] իր 9 պետական կազմակերպութիւններով եւ գործօնօրէն՝ իր 6 ենթակազմակերպումներով (Երիտասարդ ԱԺԿ, Աւստրիոյ աշխատաւորներու դաշնակցութիւն (ÖAAB), Աւստրիոյ հողագործներու դաշնակցութիւն, Աւստրիոյ աւագ քաղաքացիներու դաշնակցութիւն, Աւստրիոյ տնտեսական դաշնակցութիւն եւ ԱԺԿ-կանանց դաշնակցութիւն), ինչ որ կը յանգեցնէ կուսակցութեան մէջ երբեմն իրարու հակասող հետաքրքրութիւններ ունեցող խումբերու։ Անդամակցութիւնը ձեռք կը բերուի բաւական բացառիկ ձեւով՝ ուղղակիօրէն անդամակցելով ԱԺԿ-ին, բայց հիմնականին մէջ անդամակցելով ենթակազմակերպութիւններէն մէկուն, որուն տարբեր վճարումներ կը տրուին, եւ ոչ թէ ուղղակի՝ կուսակցութեան[1]: Ըստ կանոնադրութեան, նպաստները կը բաժնուին կուսակցութեան եւ ենթակազմակերպութեան միջեւ։[2]
ԱԺԿ-ն դաշնակցային 32 կառավարութիւններէն 15-ին մէջ տրամադրած է Աւստրիոյ վարչապետը 1945-էն, 1945-էն, 1970-էն, 2000-էն, 2007-էն եւ 2017-էն ի վեր (փոքր ընդմիջումով Պիրլայն փորձագիտական կառավարութեան կողմէ): ԱԺԿ-ի կողմէ վարչապետներ նշանակուած են՝ Լէոփոլտ Ֆիկլ, Եուլիուս Ռաապ, Ալֆոնս Կորպաչ, Եոզէֆ Քլաուս, Վոլֆկանկ Շիւսըլ, Սեպասթիան Քուրց, Ալեքսանտր Շալընպերկ եւ գործող Քարլ Նեհամըր։ Աւստրիոյ ինն նահանգապետներէն հինգը (Ստորին Աւստրիա, Վերին Աւստրիա, Զալցպուրկ, Թիրոլ եւ Ֆորարլպերկ) անդամ են ԱԺԿ-ին: Ան մաս կը կազմէ նաեւ Շթիրիայի եւ Քարինթիայի նահանգային կառավարութիւններուն։ Վրանիցքի Բ. դաշնային կառավարութենէն (1987) մինչեւ Քուրց Ա. դաշնային կառավարութեան հեռացումը 2019-ին, ԱԺԿ-ն առանց ընդհատումի ներկայացուած էր դաշնային կառավարութեան մէջ։ Նեհամմըրի դաշնային կառավարութեան մէջ ԱԺԿ կը նշանակէ ոչ միայն վարչապետը, այլեւ արտաքին գործոց նախարարը, տնտեսութեան նախարարը, գիւղատնտեսութեան նախարարը, ներքին գործոց նախարարը, կրթութեան, գիտութեան եւ հետազօտութեան նախարարը, աշխատանքի եւ տնտեսութեան նախարարը, ազգային պաշտպանութեան, կիներու, ընտանիքի, միաւորման, լրատուամիջոցներու, եւրոպական քաղաքականութեան եւ սահմանադրութեան երեք նախարարները, ինչպէս նաեւ երիտասարդութեան / թուայնացման եւ զբօսաշրջութեան պետական քարտուղարները։ Եւրոպայի Միութեան յանձնաժողովի բոլոր Աւստրիոյ ներկայացուցիչները կուսակցութեան մաս կը կազմէն: Անոնք են՝ Ֆրանց Ֆեշլերը, Պենիթա Ֆերերօ-Վալտըրը, Եոհաննէս Հանը եւ Մակնուս Պրունըրը։ Կուսակցութենէն երկու թեկնածուներ՝ Քուրթ Վալտհայմ եւ Թոմաս Քլեսթիլ, ընտրուած են Աւստրիոյ նախագահ եւ պաշտօնավարած են ընդամէնը 18 տարի։
Յղումներ
[Խմբագրել | Խմբագրել աղբիւրը]- www.dievolkspartei.at կուսակցութեան գլխաւոր կայքէջ
Ծանօթագրութիւններ
[Խմբագրել | Խմբագրել աղբիւրը]- ↑ 1,0 1,1 https://austria-forum.org Austria-Forum |։ «Österreichische Volkspartei, ÖVP»։ Austria-Forum (գերմաներեն)։ արտագրուած է՝ 2025-01-04
- ↑ Steinmüller-Schwarz Martin, ORF.at (2017-07-17)։ «Der Wert der zahlenden Basis»։ news.ORF.at (գերմաներեն)։ արտագրուած է՝ 2025-01-04