Արծուի Վասպուրական (հանդէս)

Արծուի Վասպուրական
Տեսակ	պարբերաթերթ
Հիմնադրուած է	1940
Հրատարակման վայր	Պոսթըն, Ֆրեզնօ

«Արծուի Վասպուրական»ը միամսեայ, ապա՝ երկամսեայ հանդէս։ Ամերիկայի Վասպուրական միութեան հրատարակութիւն։ Լոյս տեսած է 1940-1945 թուականներուն, Պոսթըն, 1951-1967 թուականներուն՝ Ֆրեզնօ։ Խմբագիրներ՝ Ե. Մկրտիչեան, Ա. Հիւսեան, Մ. Տէր Մարկոսեան, Ա. Աւետեան։

Տպագրած է յօդուածներ Վասպուրականի պատմութեան, աշխարհագրութեան, կենցաղին, կրթական կեանքին վերաբերեալ։ «Գրական մշակներ» բաժինին մէջ ներկայացուցած է Վասպուրականի մշակութային եւ գրական գործիչները, առանձին ստեղծագործութիւններ հրատարակախ է Վանի բարբառով։

Հանդէսին աշխատակցած են Գարեգին Յովսեփէանը, Տիգրան Չիթունին, Կարապետ Սիտալը եւ ուրիշներ։

Այս յօդուածի նախնական տարբերակը կամ նրա մասը վերցուած է «Հայ Սփյուռք» հանրագիտարանէն, որի նիւթերը թողարկուած են` Քրիեյթիւ Քոմմոնս Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։