Արեգ Լուսինեան

Արեգ Լուսինեան
Ծնած է	20 Մարտ 1935(1935-03-20)
Ծննդավայր	Ախալցխա, Վրացական Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Միութիւն
Մահացած է	2 Հոկտեմբեր 2024(2024-10-02) (89 տարեկանին)
Ուսումնավայր	Ռոմանոս Մելիքեանի անուան երաժշտական ուսումնարան և Երեւանի Կոմիտասի անուան պետական երաժշտանոց
Մասնագիտութիւն	երգահան
Աշխատավայր	Հայաստանի Կոմպոզիտորներու Միութիւն և Խ. Աբովեանի Անուան Մանկավարժական Համալսարան
Անդամութիւն	Հայաստանի Կոմպոզիտորներու Միութիւն
Երեխաներ	Լուսինէ Լուսինեան

Արեգ Լուսինեան (20 Մարտ 1935(1935-03-20), Ախալցխա, Վրացական Խորհրդային Ընկերվարական Հանրապետութիւն, Անդրկովկասի ԽՖՍՀ, Խորհրդային Միութիւն - 2 Հոկտեմբեր 2024(2024-10-02)), հայ երգահան, Հայաստանի Հանրապետութեան արուեստի վաստակաւոր գործիչ (2011)։

Կենսագրութիւն

Ծնած է 20 Մարտ 1935-ին, Ախալցխա, Վրաստան: 1956-ին աւարտած է Ռոմանոս Մելիքեանի անուան երաժշտական ուսումնարանի ստեղծագործական բաժինը, իսկ 1961-ին՝ Երեւանի Կոմիտասի անուան երաժշտանոցը: 1966-ին զուգահեռաբար կ՚ընդունուի Հայաստանի եւ նախկին Խորհրդային Միութեան երաժշտահաններու եւ երաժշտագէտներու միութիւններու իբրեւ անդամ:

1962-1964 իբրեւ դասախօս պաշտօնավարած է Ռոմանոս Մելիքեանի անուան երաժշտական ուսումնարանին մէջ, իսկ 1971-էն ի վեր կը դասախօսէ Խաչատուր Աբովեանի անուան հայկական մանկավարժական համալսարանին մէջ, ուր 2005-ին արժանացած է փրոֆեսէօրի կոչման:

Ստեղծագործութիւններ

Արեգ Լուսինեանի ստեղծագործական բազմահարուստ վաստակը կը ներառէ՝

• Երկու համանուագներ՝ «Համանուագ թիւ 1» եւ «Համանուագ-ռիքուեմ»,
• «Միշտ քեզ հետ» օփերեթ,
• Վոքալ-սիմֆոնիք ստեղծագործութիւններ։

Դաշնակի ստեղծագործութիւններ՝

• «Նազանքով պար» երկու դաշնակի համար,
• «Երիտասարդական պար»

Դաշնակի շարքեր՝

• «Փոքրիկ պատկերներ»,
• «Կրկէս»,
• «Աշխարհի ժողովուրդներու պարեր»…:

Բազմաթիւ առանձին մանրանուագներ, խուսանուագներ, մանկական եւ հայրենասիրական երգերու դաշնակի պատշաճեցումներ:

Երգեր, խմբերգներ, զուգերգներ, մեներգներ, ռոմանսներ եւ հոգեւոր երգեր՝ հանրածանօթ հայ բանաստեղծներու խօսքերով:

«Հայրենեաց տաղարան» հայրենասիրական եւ յեղափոխական երգերու մշակումներ:

Դպրոցականներու եւ պատանիներու համար բազմաթիւ երգեր:

Ան Շուշիի «Վարանդա» եւ Լիբանանի «Կարկաչ» երգչախումբերուն համար ստեղծագործած է բազմաթիւ երգեր:

Նախասիրութիւններ

Արեգ Լուսինեան կը զբաղի նաեւ նկարչութեամբ։ Նկարել սկսած է ինը տարեկանին։ Կը նկարէ գունաւոր մատիտով եւ ջրաներկով։ Նկարները մեղմ, նուրբ գոյներով, լուսաւոր մանրանկարներ են, գլխաւորաբար՝ բնանկարներ։

Դպրոցական տարիներէն ան սկսած է նաեւ գրի առնել իր իմաստասիրական (փիլիսոփայական) միտքերն ու մտորումները բանաստեղծութիւններու տեսքով, ինչպէս նաեւ կեանքի տարբեր ոլորտներուն վերաբերող ասոյթներ (աֆորիզմներ)։

Պարգեւներ Եւ Մրցանակներ

• Թեհրանի Հայ Մշակութային «Արարատ» Կազմակերպութեան Ոսկի Շքանշան (2001 թ.)
• Անանիա Շիրակացիի անուան Ճեմարանի «Անբասիր Ծառայութիւններու Համար» Մետալ (2010 թ.)
• ՀՀ Մշակոյթի Նախարարութեան Ոսկի Մետալ (2010 թ.)
• Հայաստանի Հանրապետութեան Արուեստի Վաստակաւոր Գործիչ (2011 թ.)
• «Մանկավարժական Համալսարան, 90-ամեակ» Մետալ

Ստեղծագործութիւններ

• Սիմֆոնիա թիւ 1 (1962 թ.)
• Սիմֆոնիա-ռեքվիեմ (1988 թ.)
• «Միշտ Քեզ Հետ» Օփերեթ (1970 թ.)

Վոքալ-Սիմֆոնիկ Ստեղծագործութիւններ

• «Բացուի՛ր, Հայրենի Գարուն» (1967 թ.)
• «Իմ Հայ Ժողովուրդ» (1973 թ.)
• «Այս Գարունը» (1973 թ.)
• «Գարնան Սպասում» (1981 թ.)

Կամերային Նուագարանային Ստեղծագործութիւններ

• Լարային Քառեակներ (1958, 1960 թթ.)
• Սիւիթ Երկու Դաշնամուրի Համար (1956 թ.)
• Թրիօ (դաշնամուր, ջութակ եւ թաւջութակ) (1959 թ.)
• «Չորս Մանրանուագ» Լարային Քառեակի Համար (1955 թ.)
• Ֆլէյթայի եւ Դաշնամուրի «Քնարական» եւ այլ նուագարաններու համար (հոպոյ, կլառնեթ, քանոն) գրուած ստեղծագործութիւններ

Դաշնամուրային Ստեղծագործութիւններ

• «Նազանքով Պար» («Դանդաղ Պար») եւ «Երիտասարդական Պար» (1955, 1956 թթ.)

Դաշնամուրային Շարքեր

• «Փոքրիկ Պատկերներ» (1953 թ.)
• «Կրկէս» (1966, 1974 թթ.)
• «Աշխարհի Ժողովուրդներու Պարեր» (1969 թ.)
• «Խաղալիքներու Աշխարհին Մէջ» (1975 թ.)
• «Ֆանթասթիք Չորս Մանրանուագ» (1974-1975 թթ.)

Վոքալ Ստեղծագործութիւններ

(Խմբերգեր, Անսամպլներ, Զուգերգեր, Մեներգեր, Ռոմանսներ)

• «Դուն, Իմ Աշխարհ Լեռնային» (1972 թ.)
• «Ամէն Գիշեր» (1963 թ.)
• «Կռունկներ Հայրենի» (1963 թ.)
• «Հայրենի Գարուն» («Կարօտ») (1965 թ.)
• «Օրօր» (1955 թ.)
• «Սրտիս Թագուհի» («Կարօտ») (2005 թ.)

Վոքալ Շարքեր Ձայնի Եւ Դաշնամուրի Համար

• «Հայրենեաց Տաղարան»` հայրենասիրական եւ ֆիտայական 24 երգ դաշնամուրի նուագակցութեամբ (մշակում, 1990 թ.)
• Ռազմական Քայլերգերու Շարք
• Հոգեւոր Երգերու Շարք
• Ստեղծագործութիւններ Դպրոցականներու Եւ Պատանեկութեան Համար
• Երգեր Նախադպրոցական Եւ Դպրոցական Կրտսեր Տարիքի Երեխաներուն Համար

Աշխատութիւններ

• Աքորտէոնի Ձեռնարկ (2005 թ.)
• Երաժշտութիւն (2009 թ.)
• Երաժշտութիւնը Մանկապարտէզին Մէջ (2009 թ.)
• Լոյսը Յաղթութեան (Մանկապատանեկան Խմբերգային Ստեղծագործութիւններ) (2010 թ.)
• Հայկական Ժողովրդական Մեղեդիներու Մշակումներ Մանկական Երկձայն Երգչախումբերու Համար (2010 թ.)
• Լարային Քուարթէթ Թիւ 1 (2010 թ.)
• Աֆորիզմներ Եւ Փիլիսոփայական Մտորումներ (2012 թ.)
• Лирико-философские раздумья (Լիրիկա-փիլիսոփայական մտորումներ) (2013 թ.)
• Յետադարձ Հայեացք Անաւարտ Կեանքէն (2014 թ.)