Արա Ճուհարեան
| Ծննդավայր | Հալէպ |
|---|---|
| Ազգութիւն | Հայ |
| Կրօնք | Առաքելական Քրիստոնեայ |
| Կարողութիւն | Բանաստեղծ, ճարտարապետ, խմբագիր, հրապարակագիր |
| Մասնագիտութիւն | Ճարտարապետ |
| Աշխատավայր | ճարտարապետ |
| Ծնողներ | հայր՝ Կարապետ Ճուհարեան |
| Երեխաներ | Շաղիկ, Ժպիտ, Աստղիկ |
Արա Ճուհարեան, ճարտարապետ, բանաստեղծ, խմբագիր եւ հրապարակագիր:
Կենսագրութիւն
[Խմբագրել | Խմբագրել աղբիւրը]Արա Ճուհարեան ծնած է Հալէպ եւ 2006-ին փոխադրուած է Արաբական Միացեալ Էմիրութիւններ, որպէս ղեկավար ճարտարապետ ունեցած է ծաւալուն գործունէութիւն: Նախագծած, ծրագրած եւ հովանաւորած է շինարարական աշխատանքներ՝ պանդոկներ, հիւանդանոցներ եւ բնակելի շէնքեր, Տուպայի, Ռաս էլ Խէյմէի եւ Շարժայի մէջ:
Դասախօսական շարք
[Խմբագրել | Խմբագրել աղբիւրը]2004 թուականին, Շարժայի Օհաննէսեան վարժարանի հոգաբարձութեան հրաւէրով ընկերակցած է իր հօր,մեծահամբաւ ուսուցիչ եւ «Մրգաստան» հայերէն լեզուի դասագիրքերու հեղինակ Կարապետ Ճուհարեանի, ուր միասնաբար կատարած են տասնօրեայ դասախօսական շարք մը՝ միջին արեւելքի հայախօս պատանիներու համար Հայերէն լեզու դասաւանդելու եղանակին շուրջ:
Խմբագիր «Շիրակ» ամսագիր
[Խմբագրել | Խմբագրել աղբիւրը]Ան վարած է գլխաւոր խմբագիրի պաշտօն՝ Թէքէեան Մշակութային Միութեան «Շիրակ» գրականութեան եւ Արուեստներու ամսագիրին:
Հայերէն Լեզու եւ Գրականութիւն
[Խմբագրել | Խմբագրել աղբիւրը]Արա Ճուհարեան որպէս հրապարակագիր ունի յօդուածներ հայերէն լեզուի ուսուցման եւ գրականութեան շուրջ հրատարակուած՝ Շիրակի, Զարթօնքի եւ այլ պարբերականներու մէջ:
Երկեր
[Խմբագրել | Խմբագրել աղբիւրը]Արա Ճուհարեան հեղինակն է՝ «ԵՐԿՈՒ» խորագիրով բանաստեղծութիւններու հատորի մը (119 էջ), որ 2001 թուականին արժանացած է Գէորգ Մելիտենեցի Գրական Մրցանակին:
«ԵՐԿՈՒ» հատորը նուաճած Է «worldcat» համաշխարհային գրադարաններու ցանցին եւ «VIAF» վիրդուալ (virtual) միջազգային հեղինակութիւն ֆայլ հարթակին, որոնցմէ են՝ Ամերիկեան Քոնկրէսի Գրադարան, Ֆրանսայի Ազգային Գրադարան եւ Գերմանիոյ Ազգային Գրադարան:
|
«ԵՐԿՈՒ» ՀԱՏՈՐԷՆ
ՍԻՐՈՅ ՆԱՄԱԿ Ցնորաթափ տրտմութեանս մէջ կը պահեմ կենսագրութիւնդ երեկոներ խորհրդաւոր կը հսկեն տեւողութիւնդ
կը մարեմ նախապաշարումներու լոյսերը եւ յիշատակդ ծուխի մը պէս կը բարձրացնեմ մեկուսացման ծխնելոյզէն
որ ես շինեմ այսօր տեսիլքներդ որպէս վերադարձ կայան մեր սիրոյ
որ շշնջաս վանկ առ վանկ որպէս հին տառապանք եւ լինելութեան ըմպանակիդ մէջ պահես զիս եսակորոյս վերացումէն
Ինքնակերտմանս մէջ |
|
Աղբիւրներ
[Խմբագրել | Խմբագրել աղբիւրը]- Վերջին իսկական Աղընցին (Վաղաւեր)[permanent dead link]
- Բանաստեղծութիւն ԳԻՐՔ Բ. 2016
- «ԲԱՆԱՍՏԵՂԾԻՆ ԳԻՐԸ ԱՆՈՐ ՆԿԱՐԱԳՐԻՆ ՆՄԱՆ ԱՆՓՈՓՈԽ Է»
- ՀԱՅ ԲԱՆԱՍՏԵՂԾՈՒԹԵԱՆ ՀԱՄԱՑԱՆՑԸ
- Նաւահանգիստ Archived 2020-11-26 at the Wayback Machine.
- Հօրս Գիրքերը[permanent dead link]
- Բանաստեղծություններ / Արա Ճուհարեան Անթիլիաս : Տպարան Կաթողիկոսութեան Հայոց Մեծի Տանն Կիլիկիոյ, 2001
- ԳՐԱԴԱՐԱՆՆԵՐԻ ՀԱՄԱՀԱՎԱՔ ԳՐԱՑՈՒՑԱԿ Երկու / Արա Ճուհարեան. 119 էջ Անթիլիաս : Գէորգ Մելիտինեցի գրական մրցանակ, 2001
- Արա Ճուհարեան։ ՀՕՐՍ ԳԻՐՔԵՐԸ
- 2 editions published in 2001 in Armenian and held by 7 WorldCat member libraries worldwide identities Erku by Ara Chuharean
- Գիտութիւնների Ազգային Ակադեմիայի Հիմնարար գիտական գրադարան Երկու / Արա Ճուհարեան
- Virtual International Authority File Երկու (Բանաստեղծութիւններ)