Արայիկ Խանտոյեան
| Արայիկ Խանտոյեան | |
|---|---|
.jpg) | |
| Նաեւ յայտնի է իբրեւ | Միայնակ գայլ |
| Ծնած է | 19 Ապրիլ 1971 |
| Ծննդավայր | Վերին Սասունիկ, Հայաստան |
| Մահացած է | 9 Հոկտեմբեր 2018 (47 տարեկանին) |
| Մահուան վայր | Գիւմրի, Հայաստան |
| Քաղաքացիութիւն |
 Հայաստան |
| Մասնագիտութիւն | զինուորական |
| Անդամութիւն | Սասնայ ծռեր խմբաւորում, Պորհրդային Զինուած ուժեր եւ Հայաստանի Զինուած Ուժեր |
| Կուսակցութիւն | Սասնա Ծռեր |
Արայիկ Խանտոյեան (այլանունը՝ Միայնակ գայլ, 19 Ապրիլ 1971, Վերին Սասունիկ, Հայաստան - 9 Հոկտեմբեր 2018, Գիւմրի, Հայաստան), Արցախեան պատերազմի մասնակից ազատամարտիկ եղած է, ՀՀ զինուած ոյժերու պահեստազօրի մայոր, հասարակական-քաղաքական գործիչ, «Հիմնադիր խորհրդարան» կազմակերպութեան եւ «Սասնա Ծռեր» խմբաւորման անդամ։[1]
Մանկութիւն[Խմբագրել | Խմբագրել աղբիւրը]
Արայիկ Խանտոյեան 1971 թուականի Ապրիլ 19-ին Արագածոտնի մարզի Վերին Սասունիկ գիւղը ծնած է՝ Եզնիկ եւ Ռիմա Խանտոյեաներու ընտանիքին մէջ:
Ռազմական Գործունէութիւն[Խմբագրել | Խմբագրել աղբիւրը]
Արայիկ Խանտոյեանի ռազմական գործունեութիւնը սկսած է 1988 թուականին, երբ տակաւին 17 տարեկանին, Ծաղկահովիտ գիւղի մօտակայ խորհրդային ռազմակէտէն հայկական կամաւորական ջոկատները տրամադրելու նպատակաւ զէնք եւ զինամթերք կը հայթայթէր:
1989 թուականին ԽՍՀՄ զինուած ոյժեր զօրակոչուած է, սակայն 1990 թուականին արձակուրդին չէ վերադարձած ծառայութեան վայր:
Խորհրդային բանակէն դասալքութեան պատճառը Արցախեան պատերազմի սրացումը եղած էր:
Նոյն տարուան Արայիկ Խանտոյեանն Արցախ մեկնած է եւ կամաւորական-ինքնապաշտպանական շարժումին միացած է, ուր «Միայնակ գայլ» այլանունը ձեռք բերած է: Արցախեան պատերազմին մասնակցած են նաեւ նրա եղբայրներէն երեքը՝ Արարատը, Արթուրը եւ Յունանը: Արմէն Խանտոյեանը չէ կրցած մասնակցիլ առողջական խնդիրներու պատճառաւ:
Յունան Խանտոյեանը զոհուած է պատերազմի ժամանակ:
1994 թուականի հրադադարէն ետք Արայիկ Խանտոյեան եւ իր եղբայրներ Արարատն ու Արթուրը շարունակած են ծառայութիւնը ՀՀ զինուած ուժերուն մէջ:
Ընտանիք[Խմբագրել | Խմբագրել աղբիւրը]
Արայիկ Խանտոյեանը հինգ զաւակներու հայր եղած է։
Քաղաքական գործունէութիւնը[Խմբագրել | Խմբագրել աղբիւրը]
Քաղաքական կեանքին մասնակցած է, անդամագրուելով հրամանատար Ժիրայր Սէֆիլեանի հիմնադրած շարժումներուն։ Հիմնադիր խորհրդարան կազմակերպութեան անդամ եղած է։ Ելոյթներ ունեցած է հանրահաւաքներուն, մասնակցած քաղաքական բնոյթի երթերու, մամլոյ ասուլիսներու միջոցաւ կոչերով հանդէս եկած է։
Արայիկ Խանտոյեանը իր քաղաքական աշխոյժ դիրքոշման համար բազմիցս հետապնդումներու ենթարկուած է, նաեւ ձերբակալուած։
Ծանօթագրութիւններ[Խմբագրել | Խմբագրել աղբիւրը]
- ↑ ««Սասնա Ծռեր» խմբավորման անդամներից 18-ի անունները յայտնի են (լուսանկարներ)»։ Armtimes.com։ արտագրուած է՝ 2018-10-12