Աղայի տուն (թանգարան)
Աղայի տուն | |
|---|---|
.jpg) | |
| Տեսակ | Թանգարան |
| Երկիր |
 Ռուսիա |
| Տեղագրութիւն | Սվերտլովսքի մարզ |
| Վայր | Նիժնի Թակիլ |
| Հիմնադրուած է | Օգոստոս 1997 |
| 57°54′29″N 59°56′16″E / 57.908025°N 59.937728°E | |
| Կայքէջ | museum-nt.ru/content/vis… |
 | |
 | |
Նիժնի Թակիլի հանքարդիւնաբերական բնակչութեան կենցաղի եւ արհեստներու «Աղայի տուն» թանգարան (ռուս.՝ Музей быта и ремёсел горнозаводского населения Нижнего Тагила «Господский дом»), Սվերտլովսքի մարզի Կորնոզավոտսքի շրջանի բնակչութեան կեանքին, աշխատանքին, մշակոյթին ու ստեղծագործութեան վերաբերող թանգարան: Ընդգրկուած է «Կորնոզավոտսքի Ուրալ» թանգարան-արգելոցի կազմին մէջ:
Կը գտնուի Տեմիտով իշխաններու նախկին տան կողքին՝ ուրալցի Խուտոյարով նկարիչներու տուն-թանգարանի հարեւանութեամբ, ուր այժմ տեղակայուած է Արհեստներու թանգարանը, որու հետ միասին կը կազմէ ազգագրական համալիրի մաս: Թանգարանը կը գտնուի Նիժնի Թակիլի Լենինսքի շրջանին մէջ, Թակիլսքայա փողոցին վրայ:
Պատմութիւն[Խմբագրել | Խմբագրել աղբիւրը]
Նիժնի Թակիլիին մէջ այս շէնքը սովորաբար կ՚անուանեն «Աղայի տուն»: Թանգարանի շէնքը կը համարուի 20-րդ դարու սկիզբի նեոդասականոճով կառուցուած աղայական տան օրինակ: Ի սկզբանէ եղած է ԻԿորնոզավոտսքի Տեմիտով իշխաններու գլխաւոր նստավայրը: Այնտեղ կազմակերպուած են պարահանդէսներ, բարձրաշարհիկ երեկոներ՝ թանկագին հիւրերու ընդունելութեամբ: 1917-ի յեղափոխութենէն ետք շէնքը օգտագործուած է իբրեւ համայնական բնակարան: 1981-ին մշակուած է շէնքի վերականգնման ծրագիր: Թանգարանը բացուած է Օգոստոս 1997-ին:
Ցուցադրութիւն[Խմբագրել | Խմբագրել աղբիւրը]
Թանգարանը ունի իւրայատուկ կնձնիէ եւ մետաղէ հնամաշ իրեր, 19-20-րդ դդ. Ուրալի Կորնոզավոտսքի շրջանի բնակչութեան հագուստը, կանանց ձեռքի աշխատանքներու նմուշներ (թարմ արտադրանք, գործուածք եւ ձեռագործ իրեր): Այցելուն կրնայ պատկերացում կազմել գիւղացիներու եւ աշխատողներու կեանքի, արհեստի եւ կենցաղի, ուրալեան երկրի անցեալ դարերու մասին: Լայնօրէն ներկայացուած են Նիժնի Թակիլի կաշուի, կոշկեղէնի, տակառագործական, սնդուկներու արհեստները, որոնցմէ քանին միայն ձեւաւորուած են 19-րդ դարու աւարտին: Բացի այդ, ներկայացուած են տարբեր 8-րդ դարէ մինչեւ 20-րդ դարու սկիզբ տարբեր դասերու, իշխան Տեմիտովներու անձնական իրերը: Բացի այդ, թանգարանը ունի պատմական փաստաթուղթերու, քարտէզներու եւ լուսանկարներու ցուցադրութիւն, ուր կը ներկայացուի Նիժնի Թակիլի՝ իբրեւ քաղաքային միաւորի ձեւաւորման գործընթացը: Մասնաւորապէս, ներկայացուած են քաղաքի տարբեր ժամանակներու քարտէզներ եւ թանգարանային այլ ցուցանմուշներ, որոնք կը լուսաբանեն, թէ ինչպէս կեանքը փոխուած է Նիժնի Թակիլի մէջ[1]: