Ալիշան Վարժարան (Դամասկոս)

Ալիշան Վարժարան
Տեղեկութիւն
*BLANK*

Ալիշան վարժարան, հայ կաթողիկէ վարժարան մը, հիմնուած 1965-ին, Դամասկոսի մէջ։ 1967-ին կառավարութեան հրամանով փակուած են Սուրիոյ բոլոր կաթողիկէ վարժարանները, անոնց կարգին՝ Ալիշան վարժարանը։ Վերաբացուած է 1972-ին՝ «Փարոս» անունով։ Ունի մանկապարտէզի («Ծաղկանց»), նախակրթարանի («Փարոս») եւ երկրորդականի («Լոյս Ճեմարան») բաժիններ։ 1989-ին ունեցած է 1470 աշակերտ, որոնցմէ միայն 20%-ը հայ էր։ Թէեւ դպրոցի աշակերտութեան մեծամասնութիւնը (յատկապէս 1980-ականներէն ետք) ոչ-հայ կամ արաբախօս ընտանիքներու զաւակներ էին, վարժարանը կը շարունակէր մնալ դամասկահայ համայնքի կարեւոր կրթական կեդրոններէն մէկը, ուր կը դասաւանդուէին հայերէն լեզուն եւ հայեցի դաստիարակութեան տարրերը՝ պահպանելով հայկական դիմագիծը։

Սուրիական Տագնապը եւ 2014-ի Ողբերգական Հրթիռակոծումը

Սուրիական տագնապի (քաղաքացիական պատերազմի) տարիներուն, Դամասկոսի մէջ գտնուող հայկական կրթօճախները յաճախակի թիրախ դարձան հրթիռակոծումներու։

15 Ապրիլ 2014-ին «Փարոս» վարժարանը ենթարկուեցաւ ծանր հրթիռակոծման, երբ երկու հրթիռներ ինկան անմիջապէս դպրոցի տարածքին վրայ։ Յարձակման հետեւանքով զոհուեցաւ մէկ հայ աշակերտ, իսկ վիրաւորներուն թիւը անցաւ 60-ը։ Վիրաւորներուն կարգին էին հայ աշակերտներ (ինչպէս՝ Նարեկ Մարաշլեան եւ Յակոբ Խտըրլարեան) ու հայ ուսուցչուհիներ (ինչպէս՝ Սիլվա Լիւլէճեան եւ Ֆրանսու Տէշօղլանեան)։ Ինչպէս նաեւ ռմբակոծման պատճառով դպրոցի շէնքը կրեց զգալի նիւթական աւերներ։ Վիրաւորները տեղափոխուեցան Դամասկոսի Ֆրանսական հիւանդանոցը։

Օգտագործուած Աղբիւրներ

1. «Հայ Սփյուռք» Հանրագիտարան (Երեւան, 2003 թ.)
2. «Արմենպրես» (Armenpress) Լրատուական Գործակալութիւն (15 Ապրիլ 2014-ի հաղորդագրութիւններ)
3. «Գանձասար» Շաբաթաթերթ (Հալէպ)