Ասալ լիճ
![](http://upload.wikimedia.org/wikipedia/commons/thumb/b/b5/Lake_Assal_NASA.jpg/220px-Lake_Assal_NASA.jpg)
![](http://upload.wikimedia.org/wikipedia/commons/thumb/9/9d/Lake_Assal.png/220px-Lake_Assal.png)
Ասալ լիճ (արաբ․՝ بحيرة عسل Buḥayrah ʿAsal, թարգմ․՝ Մեղրի լիճ), չափազանց աղի հրաբերանի լիճ, Ճիպութի, արեւելեան Ափրիկէ։ Կը գտնուի ծովու մակերեսէն 155 մ․ վար, Աֆար եռանկիւնին մէջ եւ Ափիրկէի ամենէն ցած ցամաքային մասն է՝ աշխարհի երրորդը, Մեռեալ Ծովէն եւ Կալիլէայի ծովէն ետք։
Տեղեկութիւններ[Խմբագրել | Խմբագրել աղբիւրը]
Ասալ լիճը կը գտնուի Թաճուրա ծոցին արեւմտեան մասին, Ճիպութի քաղաքէն մօտաւորապէս 120քլ․ դէպի արեւելք։ Լիճը արտահոսում չունի եւ սաստիկ շոգիացումին պատճառով, անոր աղիութիւնը 10 անգամ աւելի է քան ծովունը եւ զայն կը դարձնէ աշխարհի չորրորդ աղի լիճը Գարապողազգէոլ լիճէն (Թիւրքմենիստան), Ռոզա լիճէն (կամ Ռեթպա, Սենեկալ) եւ Կաէթալէ լիճէն (Տանաքիլ անապատ, Աֆար շրջան, Եդովպիա) ետք։
![](http://upload.wikimedia.org/wikipedia/commons/thumb/d/d9/AfarDrape.jpg/220px-AfarDrape.jpg)
Բնապահպանման շրջան[Խմբագրել | Խմբագրել աղբիւրը]
Լիճը ազգային գանձ կը սեպուի եւ պահպանուած է «Ճիպութիի Շրջապատի Ազգային Գործողութեան 2000 Ծրագիր»ով։ Սակայն օրէնքը չի յստակացներ լիճին սահմանները։
Ճիպութիի կառավարութիւնը նկատի առնելով լիճին աղի անսանձ շահագուծումը, ծրագրած է մշակելու շահագործման յատուկ կառավարաձեւ, որպէսզի պահպանէ լիճը եւ անոր շրջապատը։
Ճիպութիին կառավարութիւնը Եունեսքոյին առաջարկած է Ասալ լիճը եւ անոր մերձակայ Արտուքոպա հրաբուխը արձանագրուին որպէս Համաշհարհային Ժառանգութեան Յուշարձան։
Պատկերասրահ[Խմբագրել | Խմբագրել աղբիւրը]
-
Ասալ լիճ եւ Թանճուրա ծոց
-
Ասալ լիճը․․․
-
Ասալ լիճ, աղի պահեստ
-
Ափրիկէի ամենացած լիճը