Միսուրի (անգլերէն՝ Missouri), նահանգ ԱՄՆ-ի կեդրոնական մասին մէջ, Միսսիսիբիի եւ Միսուրի գետերու աւազանները: Տարածութիւնը 180.4 հազար քմ2, բնակչութիւնը 5.99 միլիոն (2010, 70%՝ քաղաքային): Վարչական կեդրոնը՝ Ճեֆըրսոն Սիթի:
Մեծ քաղաքներէն են Սենդ Լուիսը, Պրանսընը եւ Գանսաս Սիթին: Մակերեւոյթը դէպի արեւմուտք աստիճանաբար բարձրացող ալիքաւոր հարթավայր է: Հարաւը կրաքարային Օզարկ սասուանդն է, բարձրութիւնը՝ մինչեւ 540 մ.: Կլիման բարեխառն է: Արդիւնաբերական-գիւղատնտեսական նահանգ է: Կայ կապարի, երկաթի հանքաքարի, քարածխի, բարիտի, շինանիւթերի արդիւնահոսը: Արդիւնաբերութեան հիմնական ճիւղերն են մեքենաշինութիւնը եւ սննդի արդիւնաբերութիւնը: Զարգացած են հրթիռային («Մազդոնել-Տուկլաս», Սենթ Լուիսի մէջ), ինքնաշարժներու (Գանսաս Սիթին, Սենթ Լուիսը), ռատիոէլէկտրոնային, քիմիական, մսի պահածոներու, ալրաղաց արդիւնաբերութիւնը: Կայ ճանապարհաշինական, գիւղատնտեսական եւ կարի մեքենաներու արտադրութիւն, կաշիի-կօշիկի, ցեմենտի արդիւնաբերութիւն, սեւ եւ գունաւոր մետաղագիտութիւն: Անասնապահութիւնը կու տայ նահանգի գիւղատնտեսութեան ապրանքային արտադրանքի 70%-ը: Կը մշակէ եգիպտացորեն, սոյա, ցորեն, վարսակ, Միսսիսիբիի գետի հովիտը՝ բամպակ:
Կոչումը կը բացատրուի երկու կերպով: Տեղացի հնդիկներուն կողմէ՝ ալդոնքիններու լեզուով բառացի կը նշանակէ «մեծ նաւակ» (միսի՝ «մեծ», ուրի՝ «նաւակ») եւ կազմուած է տոհմի «մեծ նաւակներ ունեցող մարդիկ» անունէն: Երբեմն կը բացատրեն որպէս «աղմկոտ գետ» (գետի ջուրը աղտոտ է[3]:)
