Psycho (ֆիլմ)

Ուիքիփետիաէն
Jump to navigation Jump to search


Ֆիլմը բեմադրուած է Ալֆրետ Հիչքոքի կողմէ եւ գրուած է Ճոզէֆ Սթէֆանոյի կողմէ: Ֆիլմին կարեւորագոյն երկու դերասաններն են Անթընի Փըրքինզ, ստացած իր հռչակը այս ֆիլմի իր Նորմըն Պէյթս դերով եւ Ճանըթ Լայ, նոյնպէս, թէպետ նախապէս ան դերեր ունեցած է ուրիշ Հիչքոքի տարբեր ֆիլմերու մէջ, սակայն Psycho-ն զինք տուած է ամէնէն շատ հռչակը, որովհետեւ այս ֆիլմը ամէնէն շատ գիտցուած ֆիլմն է արդի ֆիլմի պատմութեան մէջ:

Խօսելով նիւթին մասին, պատմութիւնը կը սկսի զոյգով մը, որոնք կ’արծարծեն իրենց ամուսնութեան ծրագիրները, նշելով ինչպէս բաւարար գումար չունին ամուսնութեան իրենց ծրագիրները իրականացնելու: Շարունակութիւնը կը ներկայացուի, երբ զոյգէն Մէրյընը աշխատանքի ժամանակ կը ստանայ $40,000 իր վարպետին կողմէ, որպեսզի զայն տեղադրէ դրամատուն, հաճախորդի մը համար: Առիթը օգտագործելով, Մէրյըն կը գողնայ այդ մեծ գումարը ու կը քշէ Արիզոնա նահանգէն դուրս դէպի Գալիֆորնիա: Ան նոյնիսկ ինքնաշարժը կը ծախէ ու կը քնէ նոր ինքնաշարժ մը, որեւէ մէկ պարագայի ոստիկանային վտանքէ հեռու մնալու համար: Ճամբան անոր աչքերը գոցուելու կը սկսին, որուն պատճառաւ ան ճամբուն վրայ առաջին իր տեսած պանդոկը կը մտնէ: Պանդոկին անունն է Պէյթս Մոթէլ: Այնտեղ, կը ծանօթանայ Նորմըն Պէյթսի, որ կը հրաւիրէ Մէրյընը ընթրիքի: Անոր իր տունը կը հրաւիրէ, որ կը գտնուի պանդոկին կողքին. Սակայն, Նորմըն իր մօր հետ կը վիճաբանի, որովհետեւ Նորմընի մայրը բնաւ համաձայն չէ, որ Նորմըն կիներ ներս բերէ իրենց տունէն: Նորմըն այդ հարցը լուծելու համար կը նստի պանդոկին գրասենեակը եւ այնտեղ կ’ընթրեն, կը խօսակցին ու զիրար կը ծանօթանան: Պատմութեան վերջը չյայտնելու համար, պատմութեան նիւթը պիտի չշարունակեմ, սակայն շատ տարօրինակ ձեւով մը կը վերջանայ: Ֆիլմը զգայացունց եւ սսարսափ պատճառող ժանրի ֆիլմ մըն է, սակայն այդ վաղ ֆիլմերու նոր ծնունդի թուականին համար հիանալի որակով ֆիլմ մըն է, ըլլայ արտադրութիւն, դերակատարութիւն, բեմադրութիւն եւ թատերագրութիւնը:

Ֆիլմը կը ներկայացուի անգլերէն լեզուով, կ’երկարի մէկ ու կէս ժամ եւ ունէր պիւտժէ մը $800,000ի, սակայն ֆիլմին շահոյթն էր 50 միլիոն տոլար, որ այսօրուայ դրամարժէքով կը համապատասխանի $593 միլիոն տոլարի: Առաջին անգամ ցուցադրուած է 16 Յունիսին Ֆիլմի Փառատօնի մը ընթացքին եւ հրապարակուած է 8 Սեպտեմբերին: Ֆիլմը արտադրուած է Paramount Pictures եւ Universal Pictures արտադրական ընկերութիւններու կողմէ: