Քարոլին Ռաֆայէլեան

Քարոլին Ռաֆայէլեան;
Ծնած է	25 Սեպտեմբեր 1966 (58 տարեկան)
Քաղաքացիութիւն	Ամերիկայի Միացեալ Նահանգներ
Ուսումնավայր	Ռոտ Այլընտի Համալսարան; ԱՄՆ բանակի պատերազմի քոլեջ?; Prout School?
Մասնագիտութիւն	ձեռնարկատէր, գործարար, գլխավոր գործադիր տնօրեն

Քերոլին Ռաֆայէլեան (25 Սեպտեմբեր 1966(1966-09-25)), ամերիկահայ բարերար, ոսկերչական արտադրութեանց ձեւաւորող^[1], աշխարհի ամենահարուստ հայ կինը^[2]^[3]։

Կենսագրութիւն

Ռաֆայէլեան ծնած է 1966-ին Փրովիտընսի մէջ` Ռոտ Այլընտ։ Ան ամուսնացած է եւ ունի երեք զաւակներ։

Ան 2004-ին, իր հօր հիմնադրած ոսկերչական գործարանը զարգացնելով, հիմնած է «Ալեքս էնտ Անի» ոսկերչական ընկերութիւնը, Ռոտ Այլընտի մէջ: Ընկերութիւնը նշանաւոր է առաւելաբար իր ապարանջաններով^[4]:

Գործունէութիւն

«Ալեքս էնտ Անի» ոսկերչական ընկերութիւնը Քարոլինը հիմնած է 2004- ին։ Ամերիկեան «Ալեքս եւ Անի» ընկերութեան հիմնադիր Քերոլին Ռաֆայէլեանի կարողութիւնը, ըստ «Ֆորպզ»ի, 1 միլիառ տոլար է:

Ցեղասպանութեան մասին պատմող «Խոստումը» ժապաւէնին նիւթով հայ գործատիրուհին ապարանջաններ պատրաստած է` «Քիփ տը փրոմիս» (պահէ խոստումը) գրութեամբ: Ըստ «Հայաստան» համահայկական հիմնադրամին, ապարանջաններուն վաճառքէն գոյացած հասոյթը տրամադրուած է հայ կարիքաւոր ընտանիքներուն: Քարոլին յաճախ գործակցած է «Հայաստան» հիմնադրամին հետ. ան տարբեր ծրագրերու իրագործման համար իր սիրայօժար մասնակցութիւնը բերած է:

2015-էն սկսեալ «Ալեքս էնտ Անի» ընկերութիւնը հրապարակ իջեցուցած է «Քեմփ Հայաստան» ապարանջաններ, որոնց վաճառքէն գոյացած եկամուտը յատկացուցած է Միացեալ Նահանգներու հայ երեխաներու համար կրթական ճամբարներու կազմակերպման:

Ամերիկեան «Ֆորպս» թերթի 2016 թուականի Յունիսի թիւին կողքը նուիրուած էր Քարոլին Ռաֆայէլեանին: «Ֆորպս»-ի նշեալ թիւը յատկացուած էր ինքնուրոյն կայացած ամենահարուստ կիներուն, իսկ Ռաֆայէլեանը ցուցակին 2-րդ դիրքը կը գրաւէր:

Ծանօթագրութիւններ

↑ ««Ֆորպզ»ի Ամենահարուստ Կիներու Ցանկին Մէջ Ընդգրկուած Քարոլին Ռաֆայէլեան «Խոստումը» Ֆիլմին Նիւթով Թեւնոցներ Պատրաստած Է»։ Asbarez - Armenian (en-US)։ 2017-05-09։ արտագրուած է՝ 2020-04-20 ^{[permanent dead link]}
↑ «Հայ Միլիառատէրներ՝ «Ֆորպզ»ի Ցանկին Վրայ | Toronto Hye» (en-US)։ 2019-03-07։ արտագրուած է՝ 2020-04-20
↑ «Ոսկեգործ Հայուհին՝ Աշխարհի Ամէնէն Հարուստ Կանանց Շարքին»։ Asbarez - Armenian (en-US)։ 2016-06-10։ արխիւացուած է բնօրինակէն-էն՝ 2020-10-26-ին։ արտագրուած է՝ 2020-10-22
↑ «Կին Դէմքեր. Քարոլին Ռաֆայէլեան»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2017-06-01։ արտագրուած է՝ 2020-04-20

Աղբիւրներ

Ազդարար, 02 Յունիս 2017, էջ 14։
Ազդարար, 07 Յուլիս 2017, էջ 16։

[1] ««Ֆորպզ»ի Ամենահարուստ Կիներու Ցանկին Մէջ Ընդգրկուած Քարոլին Ռաֆայէլեան «Խոստումը» Ֆիլմին Նիւթով Թեւնոցներ Պատրաստած Է»։ Asbarez - Armenian (en-US)։ 2017-05-09։ արտագրուած է՝ 2020-04-20 ^{[permanent dead link]}

[2] «Հայ Միլիառատէրներ՝ «Ֆորպզ»ի Ցանկին Վրայ | Toronto Hye» (en-US)։ 2019-03-07։ արտագրուած է՝ 2020-04-20

[3] «Ոսկեգործ Հայուհին՝ Աշխարհի Ամէնէն Հարուստ Կանանց Շարքին»։ Asbarez - Armenian (en-US)։ 2016-06-10։ արխիւացուած է բնօրինակէն-էն՝ 2020-10-26-ին։ արտագրուած է՝ 2020-10-22

[4] «Կին Դէմքեր. Քարոլին Ռաֆայէլեան»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2017-06-01։ արտագրուած է՝ 2020-04-20

[1]

[2]

[3]

[4]