Վարդգէս Եղիայեան
| Վարդգէս Եղիայեան | |
|---|---|
| Ծնած է | 1936 |
| Մահուան վայր | ԼՈՍ ԱՆՃԵԼԸՍ |
| Քաղաքացիութիւն | Ամերիկա |
| Ազգութիւն | Հայ |
| Մասնագիտութիւն | Փաստաբան |
| Աշխատավայր | Փաստաբան, միջազգային իրաւունքի մասնագէտ |
| Ամուսին | Ռիթա Մահտեսեան |
| Երեխաներ | Թամար, Արմէն |
Փաստաբան Վարդգէս Եղիայեան (Մահացած՝ 30 Սեպտեմբեր 2017, Լոս Անճըլըս):[1] Ան Հայոց Ցեղասպանութեան ժառանգորդներուն անունով ապահովագրական ընկերութեանց դէմ բացուած դատի փաստաբաններէն էր:
Գործունէութիւն
[Խմբագրել | Խմբագրել աղբիւրը]Փաստաբան Վարդգէս Եղիայեան իր պաշտօնակիցներ Պրայան Քապաթեքի եւ Մարք Կիրակոսի հետ նախաձեռնած էր Ցեղասպանութեան զոհերու վնասուց հատուցումներու գանձումի գործին՝ «Նիւ Եորք Լայֆ»ի, «Աքսա»ի եւ ապահովագրական այլ ընկերութիւններու դէմ դատեր բանալով:
Հրատարակութիւններ՝ փաստագրական գիրքերու հեղինակ
[Խմբագրել | Խմբագրել աղբիւրը]Փաստաբան Վարդգէս Եղիայեան նաեւ հեղինակ էր շարք մը հատորներու եւ մինչեւ իր անհանգստութիւնը կ՛աշխատէր քանի մը վէպերու վրայ:
«Հայերը եւ Օխրանան. 1907-1915» վերնագրով հատորը, ուր ամփոփուած են 20-րդ դարու սկիզբին ռուսական ցարական շրջանի արխիւներէն թարգմանուած աւելի քան 50 վաւերաթուղթեր, որոնք կ՚առընչուին հայկական յեղափոխական կազմակերպութիւններուն։
«Սողոմոն Թեհլիրեանի, Միսաք Թոռլաքեանի եւ Արշաւիր Շիրակեանի դատավարութիւններ» հատորը:[2]
“Ինճիրլիքի տարածքը հայերուն պատկանող հող է” Փաստաբան Վարդգէս Եղիայեան
[Խմբագրել | Խմբագրել աղբիւրը]Փաստաբան Վարդգէս Եղիայեան բացայայտած է, որ Օսմանեան Թուրքիոյ մէջ հազարաւոր հայեր մինչեւ 1915 թուական օգտուած են շարք մը ապահովագրական ընկերութեանց ծառայութիւններէն: Այդ ընկերութիւնները, սակայն, հրաժարած են ջարդերէն մազապուրծ ընտանիքներէն շատերուն յատկացնելէ իրենց հասնելիք գումարները:
|
«Ունիմ համապատասխան փաստաթուղթներ, որոնք կ՛ապացուցեն, որ ներկայիս Թուրքիոյ կազմին մէջ գտնուող Ատանա քաղաքի մօտ տեղակայուած «Ինճիրլիք» ռազմակայանի հողերը կը պատկանին հայերու: - Փաստաբան Վարդգէս Եղիայեան
|
|
|
|
Աշխարհի չորս ծայրէ 16 ընտանիք գտած եմ: Օգտակար եղաւ այն, որ երբ մէկուն գտայ, որ սեփականութեան վկայական ունէր, այդ թուղթին մէջ գրուած էին նաեւ անոր հարեւաններուն անունները»,- պատմած է ան: Ա.Մ.Ն. Դաշնային Դատարանը այս ամառ, սակայն, մերժած է փաստաբանին հայցը: «Ա.Մ.Ն. դատարանը յայտ նեց, որ իրաւունք չունի Թուրքիոյ կառավարութեան դէմ դատ բանալու: Դատաւորը ըսաւ, որ մեր պահանջքի հիմքը ցեղասպանութիւնն է, իսկ Ա.Մ.Ն. ատիկա չ՛ընդունիր: Մենք պնդեցինք, որ ատիկա մարդկային իրաւունքներու խախտում է եւ բողոքարկած ենք այդ որոշումը: Կ՛ակնկալենք, որ Նոյեմբերին կամ Դեկտեմբերին պատասխանը կ՛ելլէ»,- ըսած է փաստաբանը: - Փաստաբան Վարդգէս Եղիայեան
|
|
Խօսելով Ցեղասպանութեան միջազգային ճանաչման ընթացքին մասին` Փաստաբան Վարդգէս Եղիայեան ըսած է, որ
|
|
«հայերը դատարաններու մէջ շատ յաճախ ցեղասպանութիւն բառը օգտագործելով` կը վնասեն գործընթացին»:
«Մենք ցեղասպանութեան մասին չենք խօսիր: Մենք կ՛ըսենք, որ տեղի ունեցած է մարդու իրաւունքներու խախտում: Ցեղասպանութիւն բառը մեր գործին օգուտ չէ: Համընդհանուր տպաւորութիւն կայ, որ եթէ Ցեղասպանութիւնը ընդունուի, ապա հատուցում պիտի ըլլայ, սակայն նման բան չկայ»,- նկատած է փաստաբանը: Ան ընդգծած է, որ իրեն համար կարեւոր է «վերականգնել արդարութիւնը»: - Փաստաբան Վարդգէս Եղիայեան
|
|
Աղբիւրներ
[Խմբագրել | Խմբագրել աղբիւրը]- Իր Մահկանացուն Կնքած Է Փաստաբան Վարդգէս Եղիայեան[permanent dead link]
- Վարդգէս Եղիայեան. “Ինճիրլիքի տարածքը հայերուն պատկանող հող է”[permanent dead link]
- Գերմանիան եւս Թուրքերուն հետ մեղսակից է. Վարդգէս Եղիայեան
- ԲՈԼՈՐ ԿՈՂՄԵՐԸ ՊԷՏՔ Է ԲԱՑԱՅԱՅՏԵՆ ԱՊԱՀՈՎԱԳՐԱԿԱՆ ՓՈԽՀԱՏՈՒՑՈՒՄՆԵՐՈՒ ԲԱՇԽՄԱՆ ՊԱՏԿԵՐԸ
- Հարցազրոյց իրաւաբան եւ փաստագրական գիրքերու հեղինակ Վարդգէս Եղիայեանի հետ
- Այս դատին միջոցաւ պիտի տամ իմ պատասխանս. Վարդգէս Եղիայեան (Տեսանիւթ)
- Դրամի միւս երեսը Վարդգէս Եղիայեան