Վազգէն Սարգսեան

Jump to navigation Jump to search
Վազգէն Սարգսեան

Վազգէն Զաւէն Սարգսեան (5 Մարտ 1959 - 27 Հոկտեմբեր 1999 ), հայ հասարակական - քաղաքական եւ ռազմական գործիչ, արձակագիր, ՀՀ վարչապետ (11 Յունիս 1999), «Միասնութիւն» դաշինքի համանախագահ, «ՀՀ Ազգային Հերոս», «Արցախի հերոս», «Ոսկէ արծիւ» շքանշանի ասպետ,:

Կենսագրութիւն[Խմբագրել | Խմբագրել աղբիւրը]

Վազգէն Սարգսեան ծնած է ՀԽՍՀ Արարատի շրջանի մէջ (ներկայիս՝ ՀՀ Արարատի մարզ) Արարատ գիւղ[1]։ Նախնական կրթութիւնը ստացած է հայրենի գիւղի միջնակարգ դպրոցին մէջ, որու շրջանը աւարտելէ ետք, 1976-ին ընդունուած է եւ 1983-ին աւարտած՝ Ֆիզիքական մշակոյթի հայկական պետական դպրոցը։ 1979-1983 թուականներուն եղած է բնագիտութեան ուսուցիչ հայրենի Արարատ գիւղի միջնակարգ դպրոցին մէջ, որմէ ետք, հանգամանքներու բերումով, ԽՍՀՄ ԶՈՒ-ու մէջ զինուորական ծառայութեան ներում շնորհուած է իրեն։ 1983-1986 թուականներուն եղած է Արարատի շաղախի գործարանի՝ համայնավարական երիտասարդական միութեան քարտուղար։ 1985-ին եղած է Հայաստանի Գրողներու միութեան անդամ[2]։ Աշխատակցած է «Գարուն» ամսագրին՝ իբրեւ գովազդային-քարոզչական բաժնի վարիչ (1986-1989)[1]։ 1990 - 1995 ընտրուած է Հայաստանի Գերագոյն խորհուրդի պատգամաւոր, որու ընթացքին՝ 1990-1992 հանդիսացած է Գերագոյն Խորհուրդի պաշտպանութեան եւ ներքին գործերու մշտական յանձնաժողովի նախագահ, 1991-1992-ին ՀՀ պաշտպանութեան նախարար, 1992-1993-ին ՀՀ նախագահի խորհրդական պաշտպանութեան հարցերու գիծով, ՀՀ սահմանամերձ գօտիներուն մէջ ՀՀ նախագահի յատուկ ներկայացուցիչ, 1993-1995-ին ՀՀ պաշտպանութեան, ազգային անվտանգութեան եւ ներքին գործոց նախարար։ 1995-ին կրկին նշանակուած է ՀՀ պաշտպանութեան նախարար: 1999 թուականին եղած է ՀՀ վարչապետ։

Ծանօթագրութիւններ[Խմբագրել | Խմբագրել աղբիւրը]

Կաղապար:Արցախի ազգային հերոսներ