Լալան Ու Արան
Լալան ու Արան, հայերէն լեզուով մանկապատենական ծրագիր մը, ստեղծուած Համազգայինի Կեդրոնական Վարչութեան կողմէ:
Պատմութիւն[Խմբագրել | Խմբագրել աղբիւրը]
Համազգայինի Կեդրոնական Վարչութիւնը 2015 թուականին հաստատեց նոր կառոյց մը, որ կը կոչուի «Համազգայինի մանկա-պատանեկան ծրագիրներու բաժանմունք»։ Այս բաժանմունքի պատասխանատուն նշանակուեցաւ Արին Գալուստեան, որ իր կողքին գործի հրաւիրեց մասնագէտներ, որոնք պիտի նպաստէին որակեալ, արդիական եւ գրաւիչ ծրագիրներու ստեղծման։[1]
Մասնագէտներն էին՝ Թալին Եահնիյեան (մանկավարժ), Նայիրի Ալեքսանտրեան-Կէօզիւպէօյիւքեան (երեխաներու գիրքերու պատկերազարդող) եւ Սերուժ Պաղտասարեան (ծրագրող, երաժշտական համադրող):[2]
Նպատակ[Խմբագրել | Խմբագրել աղբիւրը]
Նպատակներն են՝
- Զարգացնել երեխային լեզուական կարողութիւնները։
- Զարգացնել երեխային տրամաբանելու, յիշելու եւ կեդրոնանալու կարողութիւնները։
- Զարգացնել երեխային երեւակայելու եւ ստեղծելու կարողութիւնները։
- Զարգացնել երեխային մօտ հետազօտելու ցանկութիւնը։
- Արթնցնել երեխային մօտ երաժշտական հետաքրքրութիւն։[3]
App[Խմբագրել | Խմբագրել աղբիւրը]
Նախ՝ ձեռնարկուեցաւ արդիական գործիքներու վրայ հաճելի եւ հետաքրքրական խաղերով երեխաներուն ուսուցանել հայերէն լեզուն։ Պատրաստած է մանկական դաստիարակչական խաղեր «iOS» եւ «Android» գործիքներուն վրայ, 3-5 տարեկան երեխաներուն համար, արեւմտահայերէնով եւ արեւելահայերէնով։ Հրապարակի վրայ են 3 անվճար «app»եր՝ «Գոյներու աշխարհ», «Ձեւերու աշխարհ» եւ «Գիրերու աշխարհը»։ Խաղերը պատրաստուած են մանկավարժական արդիական սկզբունքներուն հետեւելով։
Ծանօթագրութիւններ[Խմբագրել | Խմբագրել աղբիւրը]
- ↑ ««Լալան Ու Արան» Խաղի Ուսուցողական Դերը` Հայ Մանուկների Կեանքում»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2017-10-21։ արտագրուած է՝ 2020-05-02
- ↑ ««Լալան Ու Արան. Ձեւերի Աշխարհ» Խաղն՝ Արդէն Անվճար»։ Asbarez - Armenian (en-US)։ 2018-02-12։ արտագրուած է՝ 2020-05-02[permanent dead link]
- ↑ «Լալան ու Արան պուպրիկները Հօ տը Սէն հասած են»։ Hamaskaïne (hy-AM)։ 2019-05-27։ արտագրուած է՝ 2020-05-02