Սպանիոյ Գերագոյն Դատարանի Նախագահ
Սպանիոյ Թագաւորութեան գերագոյն դատարանի նախագահ կամ դատական ընդհանուր խորհուրդի նախագահ (սպ.՝ residente del Tribunal Supremo), բարձրագոյն դատական մարմին Սպանիոյ Թագաւորութեան մէջ, որու ձեռքը կեդրոնացուած է երկրի արդարադատութեան համակարգը[1]։
Կը համարուի Սպանիոյ բարձրագոյն կառավարական երեք պաշտօնեաներէն մէկը՝ օրէնսդիր քորթէսի նախագահի եւ գործադիր կառավարութեան ղեկավարի հետ միասին։
Առաջին անգամ գերագոյն դատարանի նախագահի պաշտօնը Սպանիոյ մէջ ձեւաւորուած է 1812-ին, իսկ առաջին պաշտօնավարողը եղած է Ռամոն Փասատա ի Սաթօն։ Գերագոյն դատարանի ներկայի նախագահն է Քարլոս Լեսմէս Սերանոն, որ բարձրագոյն մարմինը կը նախագահէ 2013-էն ի վեր[2]։
Գործառոյթներ
[Խմբագրել | Խմբագրել աղբիւրը]Սպանիոյ Սահմանադրութեան 598-րդ յօդուածը կը սահմանէ երկրի գերագոյն դատարանի նախագահի սահմանադրաիրաւական կարգավիճակն ու գործառոյթները։ Անոնք են՝
- ներկայացնել դատական գերագոյն խորհուրդը
- նախագահել պալատի եւ մշտական կոմիտէի անդամներու հանդիպումները, որոշումներ կայացնել անաչառ քուէարկութիւններու անցկացման վերաբերեալ
- սահմանել դատական մշտական կոմիտէի նիստերու օրակարգը
- լիցենզաւորել փաստաբաններու եւ շնորհել համապատասխան սահմանադրաիրաւական կարգավիճակով
- ուղղորդել դատական ընդհանուր խորհուրդի արդիւնաբերական մարմիններու գործունէութիւնը
- օրինական կերպով ուղղորդել դատական բարձրագոյն խորհուրդին
- գերագոյն դատարանի վարոյթներու քննութեան ժամանակ տեղեկանալ ազգային հետախուզական կեդրոնի ստացած տեղեկութիւնները, որոնք կ՛ազդեն Սահմանադրութեան 18.2-րդ եւ 3-րդ յօդուածներու համապատասխան մասերով։ Գերագոյն դատարանի պալատներու մագիստրատորի փոխարէն անոր բացակայութեան կամ բացարկի պարագային կայացնել վճիռ։
- յանձնարարել եւ պաշտօնէն ազատել Նախագահի աշխատակազմի ղեկավարին կամ հաղորդակցութեան վարչութեան պետին, ինչպէս նաեւ նախագահի աշխատակազմի յետագայ աշխատակազմին:
- պալատի հետ համատեղ ընտրել գերագոյն դատարանի փոխնախագահին, գլխաւոր քարտուղարին եւ գլխաւոր քարտուղարի տեղակալին։ Վերջին երկուքի պարագային՝ հարկ եղած ժամանակ դադարեցնել նաեւ վերջինիս գործունէութիւնը։
Սպանիոյ Սահմանադրութեան 589-րդ յօդուածը գերագոյն դատարանի նախագահին կ՛օժտէ հետեւեալ լիազօրութիւնը[3]․
- առաջադրել եւ նշանակել գերագոյն դատարանի փոխնախագահին։
Ենթակայութիւն
[Խմբագրել | Խմբագրել աղբիւրը]Գերագոյն դատարանի նախագահը կախում ունի նախագահող կառավարութենէն, որ կը ղեկավարէ կառավարութեան գործող ղեկավարը։ Որպէս նախագահող քարտուղարութիւն կրնայ հանդէս գալ գերագոյն դատարանի եւ դատական մասնաճիւղի գլխաւոր խորհուրդը։
Ընտրակարգ
[Խմբագրել | Խմբագրել աղբիւրը]Սպանիոյ Սահմանադրութեան 586-րդ յօդուածը կը սահմանէ թագաւորութեան գերագոյն յատուկ նախագահի եւ խորհուրդի գումարման եւ ընտրութեան ընթացակարգը։ Սոյն յօդուածին մէջ բովանդակուած է հետեւեալը․
|
Անհրաժեշտ է ունենալ համապատասխան մասնագիտական որակաւորում, ունենալ գերագոյն դատարանին մէջ ծաւալած որոշակի աշխատանքային գործունէութիւն եւ բաւարարել նոյն պալատի նախագահ ըլլալու համար անհրաժեշտ պայմաններուն։ Ունենալ քսանհինգ տարիէն ոչ պակաս աշխատանքային փորձ իրաւաբանութեան ոլորտէն ներս - Սպանիոյ մայր օրէնք «Սահմանադրութիւն», յօդուած 586
|
|
Նախագահը կ՛ընտրուի խորհուրդի լիագումար նիստով, իսկ անոր թեկնածութիւնը կ՛առաջադրուի այն պարագային, եթէ ան ստացած է պալատի անդամներու երեք հինգարորդի փաստացի վստահութիւնը։ Ընտրութիւններէն ետք տուեալ անձին այդ պաշտօնին կը նշանակէ Սպանիոյ թագաւորը, որուն կը յաջորդէ միապետի եւ պետութեան խորհրդանիշներու առջեւ երդմնակալութեան արարողութիւնը[4]։
Տես նաեւ
[Խմբագրել | Խմբագրել աղբիւրը]Ծանօթագրութիւններ
[Խմբագրել | Խմբագրել աղբիւրը]- ↑ C.G.P.J։ «C.G.P.J - Altos Cargos: Retribuciones, indemnizaciones y declaraciones de bienes»։ www.poderjudicial.es։ արխիւացուած է բնօրինակէն-էն՝ 2017-07-15-ին
- ↑ «Royal Decree 979/2013, of December 10, by which Carlos Lesmes Serrano is appointed President of the Supreme Court and the General Council of the Judiciary.»
- ↑ [http://noticias.juridicas.com/base_datos/Admin/lo6-1985.l8t3.html#a589 «Ley Org�nica 6/1985, de 1 de julio, del Poder Judicial. T�TULO III.�Del Presidente del Tribunal Supremo y del Consejo General del Poder Judicial, del Vicepresidente del Tribunal Supremo y del Gabinete de Presidencia del Tribunal Supremo y del Consejo General del Poder Judicial»]։ Noticias Jurídicas
- ↑ [http://noticias.juridicas.com/base_datos/Admin/lo6-1985.l8t3.html#a586 «Ley Org�nica 6/1985, de 1 de julio, del Poder Judicial. T�TULO III.�Del Presidente del Tribunal Supremo y del Consejo General del Poder Judicial, del Vicepresidente del Tribunal Supremo y del Gabinete de Presidencia del Tribunal Supremo y del Consejo General del Poder Judicial»]։ Noticias Jurídicas