Սուրբ Յովհաննէս Մկրտիչ Եկեղեցի (Երեւան)
Սուրբ Յովհաննէս Մկրտիչ եկեղեցի, Հայ Առաքելական եկեղեցւոյ տաճար Երեւանի մէջ։
Ճարտարապետութիւն
[Խմբագրել | Խմբագրել աղբիւրը]Կոնդի բարձունքին՝ մեծ երկրաշարժէ քանդուած միջնադարեան եկեղեցւոյ տեղին մէջ, 1710 թուականին կառուցուած է Սուրբ Յովհաննէս-Մկրտիչ եկեղեցին՝ հին Երեւանի մեծահարուստ Մելիք Աղամալի աջակցութեամբ։ Եկեղեցին ուշ միջնադարեան միւս՝ Զորաւոր եւ Կաթողիկէ եկեղեցիներու նման եռանաւ բազիլիկ է։ Ուղղանկիւն պարագիծ ունեցող հատակագիծին ներգրաւուած են աղոթասրահը ու արեւելեան կողմի աւագ խորանը։
Ճարտարապետ Ռ. Իսրայելեանը 1973 թուականին Ամենայն հայոց կաթողիկոս Վազգէն Առաջինին ներկայացած է եկեղեցւոյ վերակառուցման նախագիծը, որ հաւանութեան արժանացած է։ Սակայն նոյն տարին հեղինակը վախճանած է։ 10 տարի ետք հեղինակի որդին՝ ճարտարապետ Ա. Իսրայելեանը, հոր մտահղացումը իրագործած է։ Աշխատանքային նախագիծը մշակած են հանրապետութեան վաստակաւոր ճարտարապետ Բաղդասար Արզումանեանը եւ ինժեներ-կոնստրուկտոր Աւետիք Թեքնեջեանը։ 1980-ականներուն ինժեներ-շինարար Միքայէլ Յովհաննէսեանի անմիջական ղեկավարութեամբ եկեղեցին վերակառուցվել է։ Գմբեթը, արտաքին պատերը երեսպատվել են տուֆով։ Մեծածաւալ աշխատանք կատարուած է եկեղեցւոյ ներսին մէջ, աւագ խորանի բեմապատը զարդարվուած է գեղաքանդակ հորինուածքներով։ Արեւմտեան կողմէն երգչախումբի համար կառուցուած է վերնատուն, հատակը մարմարապատուած է։ 2000 թուականին եկեղեցիին կից ստեղծուած է «Յովհաննէս Կոզեռն» կրթամշակութային կեդրոնը։