Սուրբ Յակոբ Եկեղեցի (Արարատ գիւղ)

Սուրբ Յակոբ եկեղեցի, Հայ Առաքելական եկեղեցի Արարատի մարզի Արարատ գիւղի մէջ։ Ընդգրկուած է Արարատի պատմութեան եւ մշակոյթի անշարժ յուշարձաններու ցանկին մէջ։

Պատմութիւն[Խմբագրել | Խմբագրել աղբիւրը]

Կը գտնուի Արարատ գիւղի մեջ։ Կառուցուած է 1866 թուականին Պարսկաստանի Մակու քաղաքէն այստեղ ներգաղթած հայերու նախաձեռնութեամբ։ Բազիլիկ կառոյց է, որ երկու շարք երեքական մոյթերով կը բաժնուի երեք նաւերու։ Կիսաշրջանաձեւ խորանի երկու կողմերուն մէջ ուղղանկիւն աւանդատներ են։ Ձախակողմեան աւանդատան մօտ մկրտութեան աւազանն է։ Խորանի աջ եւ ձախ կողմերուն կամարակապ որմնախորշեր են։ Եկեղեցին ունի երեք մուտք՝ հիւսիսային, արեւմտեան եւ հարաւային։ Կառուցուած է տեղական գորշ տրաուերտին քարով։ Պատերը ներսէն սւաղուած են կրով։

Եկեղեցիին կից զանգակատունը կառուցուած է 1866 թուականին, վերակառուցուած՝ 2008-2010 թթ.՝ հովանավորներ Սամուէլ եւ Ստեփան Վարդանեաններու կողմէն։

Եկեղեցւոյ հոգեւոր հովիվն է Տէր Դաւիթ քահանայ Սահակեանը։