Սուրբ Գրիգոր Լուսաւորիչ Եկեղեցի (Պոլիս - Գընալը Կղզի)
Սուրբ Գրիգոր Լուսաւորիչ Եկեղեցի (Պոլիս-Գընալը Կղզի), քարուկիր եկեղեցի, հիմնարկէքը կատարուած է 1855ին։
Պատմականը[Խմբագրել | Խմբագրել աղբիւրը]
[Խմբագրել | Խմբագրել աղբիւրը]Պաշտամունքի բացուած է 1857ին Յակոբ Պատրիարքի ձեռամբ։ Եկեղեցւոյ առաջին զանգակատունը կառուցուած է Պաղտասար Յակոբեանի բարերարութեամբ։
1988ին կը կառուցուի ներկայ զանգակատունը, նաեւ հիմնական բարեզարդման աշխատանքներով կը վերանորոգուի եկեղեցին։ Կը բաղկանայ մէկ աղօթատեղի եւ մէկ խորանէն, նաեւ երկու քովնտի մատուռներէ։ Թաղին առաջին քահանան եղած է Դիոնիսիոս Աւագ Քահանայ Ճիզմէճեանը, որ նահապետն էր գիւղի Հայ ժողովուրդին։ Եկեղեցին գլխաւորաբար ամառուան եղանակին հոգեւոր ծառայութիւն կը մատուցանէ հոծ թիւով հայերու, որոնք ամառուան շրջանին իրենց բնակութիւնը կը հաստատեն կղզիներու վրայ։ Այս եկեղեցւոյ մօտը կը գտնուի Պատրիարքարանի ամառանոցի շէնքը եւ Կազդուրման Կայանը։
Եկեղեցւոյ բակին մէջ թաղուած են՝
[Խմբագրել | Խմբագրել աղբիւրը]Դիոնէսիոս Աւագ Քահանայ Ճիզմէճեան (առաջին Հոգեւոր Հովիւ Գնալը Կղզիի եկեղեցւոյ) 1856-1912։
Եկեղեցւոյ բարերարներ՝
[Խմբագրել | Խմբագրել աղբիւրը]- Սարգիս Էֆէնտի Թաշճեան 1847-1907,
- Վերժին Թաշճեան (կողակիցը Սարգիս Էֆէնտիի), վախճանած 1935ին,
- Վիկտորիա եւ Կարապետ Փափազեաններ,
- Էրմէնեան ընտանիք։