Ռոժէ Առնու Ռիվիէր

Ռոժէ Առնու Ռիվիէր
Ծնած է	21 Մարտ 1930(1930-03-21)
Ծննդավայր	Tarare
Մահացած է	16 Սեպտեմբեր 1959(1959-09-16) (29 տարեկանին)
Մահուան վայր	5th arrondissement of Lyon, Լիոն
Քաղաքացիութիւն	Ֆրանսա
Մասնագիտութիւն	բանաստեղծ

Ռոժէ Առնու Ռիվիէր (21 Մարտ 1930(1930-03-21), Tarare - 16 Սեպտեմբեր 1959(1959-09-16), 5th arrondissement of Lyon, Լիոն), ֆրանսացի բանաստեղծ։

Կենսագրութիւն

Ռոժէ Առնու Ռիվիէրը 1950-ականներու սկիզբին կը կապուի Փիեռ Սեղէրսի հետ՝ խնդրելով, որ ան հրատարակէ իր առաջին բանաստեղծութիւններու ժողովածուն՝ «Ճիչի Եւ Լռութեան Միջեւ» (Entre cri et silence) խորագրով։ Վերջինս կը մերժէ, եւ Ռիվիէրը Ժոզէ Միլլաս-Մարթինի ու անոր Paragraphes հանդէսին մէջ առիթ կը գտնէ հրատարակելու առաջին գործը, որ քաղուած էր իր առաջին ձեռագիրէն՝ «Դիմակ Փորձութեան Համար» (Masque pour une ordalie, 1953)։

Այս գիրքը հեղինակին կեանքի ընթացքին հրատարակուած միակ գործն էր, որը բարձր գնահատանքի արժանացաւ Անդրէ Բրեթոնի կողմէ։

Բանաստեղծը, որ կը բնակէր Լիոնի մէջ, կը յաճախէր մի քանի բարեկամներու հետ, որոնց մէջ էին Ռեյմոնտ Պիւսքէ, Բեռնար Դիւմոնթէ, Հենրի Գուգօ եւ Բեռնար Լեսֆարգ։ Անգլերէնի ուսուցիչ ըլլալով Ամփէրի Լիցէին մէջ, Ռիվիէրը խիստ ազդուած էր Տիլան Թոմասի պոեզիայէն։

1958 թուականի Օրէնսդրական Ընտրութիւններուն համար ան թեկնածու կը ներկայանայ Ձախ Սոցիալիսթ Միութեան ցուցակներուն մէջ՝ Ռոաննի մէջ, առանց յաջողութեան։

Ան ինքնասպանութիւն կը գործէ գազով՝ 1959 թուականի Սեպտեմբեր 16-ին, Լիոնի իր բնակարանին մէջ, որ կը գտնուէր 91 montée de l’Observance հասցէին վրայ։ Ան իր բանաստեղծութիւններէն մէկուն մէջ գրած է․

Ապրեցայ՝ գիտնալու համար, բայց չգիտցայ ապրիլ։ - Ռոժէ Առնու Ռիվիէր

Գործեր

Masques pour une ordalie (Դիմակ Փորձութեան Համար), Paragraphes / Éditions Millas-Martin, 1953 թ.։

Poésies complètes (Լիակատար Պոեզիա), Guy Chambelland, 1963 թ.։ (Վերահրատարակուած՝ 1975 թ.)։

Notice de Raymond Busquet, in: Pierre Seghers, Poètes maudits d'aujourd'hui (Այսօրուայ Անիծեալ Բանաստեղծները), Seghers, 1972 թ.։ (2-րդ հրատ.՝ 1977 թ.)։

Աղբիւրներ

• «Բագին»,  ԺԴ. տարի, 1975, Յունուար, թիւ 1, էջ 50։