Պրազիլիոյ Հայկական Մամուլ

Պրազիլիոյ Հայկական Մամուլ,Պրազիլիոյ մէջ, ցարդ հրատարակուած են շուրջ տասնհինգ հայկական պարբերականներ, մեծ մասը՝ Սան Փաուլոյի մէջ։ Առաջինը՝ հնչակեան ուսանող, միութեան պաշտօնական «Կայծ» (1933-1937) ազգային, գրական-գեղարուեստական, մարզական, երկշաբաթաթերթն է։ Հետագայ տարիներուն հրատարակուած են «Հայկական միութիւն» մշակութային ընկերութեան «Վերելք» (1946-1947), հնչակեաններու «Հայաստանի ձայն» (1947-1950) հասարակական-քաղաքական, գրական պարբերաթերթերը, ազգային, գրական, քաղաքական «Հայաստան» (1965-1967, հայերէն, փորթուկալերէն) ամսաթերթը, «Թրիպունա Արմենիա» (փորթուկալերէն) պարբերականները եւ այլն։ Ներկայիս, Սան Փաուլոյի մէջ լոյս կը տեսնէ Հ.Բ.Ը.Մ.-ի «Նոր Անի» (1980 թուականէն, հայերէն եւ փորթուկալերէն) գրական-գեղարուեստական, Հայաստանեայց Առաքելական Եկեղեցւոյ Պրազիլիոյ թեմի «Սիփան» (1983-1987, 1995 թվականներէն) երկամսեայ պաշտօնաթերթը, «Իրիս» («Ծիածան»), «Մասիս», «Լրատու» (բոլորն ալ՝ հայերէն, փորթուկալերէն) պարբերականները։

Այս յօդուածի նախնական տարբերակը կամ նրա մասը վերցուած է «Հայաստան» հանրագիտարանէն, որի նիւթերը թողարկուած են` Քրիեյթիւ Քոմմոնս Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։