Պետրոս Ատրունի
Պետրոս Ատրունի (1883- 1944), հայ կրթական գործիչ, թուաբանագէտ, դաստիարակ։
Կենսագրութիւն[Խմբագրել | Խմբագրել աղբիւրը]
Ծնած է Կ. Պոլիս:Կրթութիւնը ստացած է Պէրպէրեան վարժարան, աւարտած է 1900-ին, ուսանած է Պոլսոյ համալսարանի թուաբանութեան բաժինը։ Երկար տարիներ դասաւանդած է հայ և օտար վարժարաննեու մէջ: 1928-33 եղած է Կեդրոնական վարժարանի տնօրէն։ Հեղինակն է թուաբանական շարք մը դասագիրքերու, ինչպէս՝ «Ամբողջական դասընթացք թուաբանութեան», «Մանկական ընթացք» Ա և Բ տարի (1912), «Տարրական դասընթացք» Ա և Բ տարի (1912), «Թուաբանութեան տարրական և միջին դասընթաց» (1921), «Բարձրագոյն դասընթաց» (1921) գիրքերը։
Ատրունի եւ Հ.Մ.Ը.Մ.[Խմբագրել | Խմբագրել աղբիւրը]
Պետրոս Ատրունի հեղինակն է Հ.Մ.Ը.Մ.ի նշանաբանին՝ «Բարձրացի՛ր-բարձրացո՛ւր»ին:[1] Այս նշանաբանին մասին Չիթունի կը գրէ.
«... եւ աւելի գեղեցիկ նշանակ մը ու նշանաբան մը չէր կրնար դնել Հ.Մ.Ը.Միութիւնը, իր սկաուտի դրօշակին ու գօտիին վրայ: Կլոր շրջանակի մը մէջ, սլացիկ, ալեփարթամ, բայց միշտ առոյգ բարձրութիւն, Արարատ լեռը, արեւու շողերով օծուն, ահա նշանակը, հարազատ հայեցի ու տիեզերական: Արարատին վրայ ծիածանուած է երկու բառ.- Բարձրացի՛ր-բարձրացո՛ւր,- երկու բառ, այո՛, բայց ոսկի երկու կանոն. ե՛ւ անհատի, ե՛ւ ազգի, ե՛ւ մարդկութեան ուղղուած երկու վսեմ քարոզ, հանգանակ կամ կրօնք մը.- Բարձրացի՛ր-բարձրացո՛ւր»:
Աղբիւրներ[Խմբագրել | Խմբագրել աղբիւրը]
1-Գառնիկ Ստեփանյան (1973)։ Կենսագրական բառարան, հատոր Ա։ Երևան: «Հայաստան»։ էջ 137
2-Յուշամատեան Հ.Մ.Ը.Մ.-ի (1958)
Ծանօթագրութիւններ[Խմբագրել | Խմբագրել աղբիւրը]
- ↑ MultiTek.me։ «Հ.Մ.Ը.Մ. - Հայ Մարմնակրթական Ընդհանուր Միութիւն - Պաշտօնական Կայք»։ www.homenetmen.org։ արտագրուած է՝ 2018-08-30