Պատանիներու Խորհրդարան (Յունաստան)

Պատանիներու Խորհրդարան Βουλή των Εφήβων․ Յունաստանի Խորհրդարանի դասստիարակչական ծրագիր։ Սկսած է գործել 1995-1996 դպրոցական տարեշրջանէն եւ ուղղուած է Յունաստանի տարածքին Միջնակարգի եւ Երկրորդական դպրոցներու բոլոր աշակերտներուն։

Նպատակ[Խմբագրել | Խմբագրել աղբիւրը]

Պատանիներու Խորհրդարանի նպատակն է պատանիներուն եւ երիտասարդներուն մօտ զարգացնել դրական կեցուածք ընկերութեան հարցերուն հանդէպ, ինչպէս օրինակ` անոնց զգայնացնել ժողովրդապետութեան սկզբունքներուն, օրէնքներուն եւ արժէքներուն մասին։

Մասնակցութիւն[Խմբագրել | Խմբագրել աղբիւրը]

Պատանիներու Խորհրդարանի կազմութեան համար, տարեկան հերթականութեամբ աշակերտները որոշ աշխատանքներ կը յանձնեն, որոնք ըստ այնմ կ՛ արժեւորուին։ Այս գործունէութենէն ետք (գրականութեան, երաժշտութեան եւ պատգամի սստեղծում մրցումներ),300 աշակերտ-ժողովական վիճակագրութեամբ կ՛ ընտրուին, կազմելով Պատանիներու Խորհրդարանը․ 260՝ Յունաստանի տարածքէն, 20 Կիպրոսէն եւ 20 յունական սփիւռքի դպրոցներէն։