Ուիքիփետիա:Ուիքի դասընթացք-հաւաք 2019, Աթէնք/Դասընթացք
ՈՒԻՔԻ ԴԱՍԸՆԹԱՑՔ-ՀԱՒԱՔ 2019
«Ուիքիմետիա Հայաստան» գիտակրթական հասարակական կազմակերպութիւնը «Գալուստ Կիւլպէնկեան» Հիմնադրամի աջակցութեամբ, որուն առաջնահերթ նպատակներէն է համացանցէն ներս աջակցիլ եւ խթանել հայերէն բովանդակութեան եւ Հայաստանի մասին օտար լեզուներով բովանդակութեան զարգացումը, դասընթացքներ կը կազմակերպէ սփիւռքի կրթական հաստատութիւններու, մամուլի աշխատակիցներու եւ հետաքրքրուած անհատներու համար:
Դասընթացքները նպատակ ունին «Ուիքիփետիա»յի համակարգողներ պատրաստել սփիւռքի տարածքին՝ զարգացնելու «Արեւմտահայերէն Ուիքիփետիա»ն եւ տարածելու «Ուիքիփետիա»յի մասնակցութեան գաղափարները եւ գործիքներու տիրապետումը։ Մէկ շաբթուան տեւողութեան մասնակիցները կը ծանօթանան «Ուիքիփետիա»յի գաղափարախօսութեան եւ խմբագրութեան գործիքներուն ու եղանակներուն։