Մոսկուաի Ձուենդնօյ Պուլեւարտի Կրկէս (Նիքոլինի Կրկէս)
Մոսկուայի Ձուենդնոյ Պուլեւարտի կրկէսը (Tsvetnoi Boulevard), կամ Նիքոլինի կրկէսը (Nikulin's), կը գտնուի Tsvetnoi Boulevard, Tverskoy District կեդրոնական Մոսկուա: Անիկա եղած է քաղաքին միակ կրկէսը 1926-1971: Մինչեւ այսօր մեծ հռչակ վայելող կրկէս մըն է:
20 Հոկտեմբեր 1880-ին շէնքը բացուած է եւ կոչուած է Սոլոմոնոսքի (Solomonsky) Կրկէս: Ռուսաստանի ամէնէն հին կրկէսը կը համարուի: Տարբեր անուններով ճանչցուած է Խ.Ս.Մ-ի ընթացքին, որուն թատերախումբը 1939-ին պարգեւատրուած է Լենինի շքանշանով[1]:
Իր գործունէութեան ընթացքին ամէնէն հռչակաւոր ծաղրածուներէն եղած են Քարանտաշ (Karandash), Օլէկ Փոփով (Oleg Popov) եւ Եուրի Նիքուլի[2] (Yuri Nikulin): Նիքուլի տասնհինգ տարի ղեկավարած է կազմակերպութիւնը: Կառոյցին դիմաց տեղադրուած է Նիքուլինի յուշարձանը, որուն որդին ղեկավարած է կրկէսը իր մահէն ետք:
1990-ականներու վերջաւորութեան Վալէնդին Կնէօշեւ (Valentin Gneushev) կրկէսի պարողներէն էր:
Վերջին ներկայացումը հին կառոյցին մէջ տեղի կ'ունենայ 13 Սեպտեմբեր 1985-ին: Անիկա շատ զգայացունց երեկոյ մը կ'ըլլայ բոլորին համար:
Յետագային նոր կրկէսին շէնքը կը կառուցուի հին շէնքին տեղը. նորակառոյց կրկէսը կ'օժտուի արդի արհեստագիտական սարքերով, նոր գրասենեակներով, հանդերձարաններով եւ անասուններու պահեստներով:
29 Սեպտեմբեր 1989-ին «Բարեւ, Հին Կրկէս» (Hello, Old Circus) առաջին ներկայացումը տեղի կ'ունենայ նորակառոյց շէնքին մէջ:
Այսօր Մոսկուայի հին կրկէսը գործող է եւ կրնայ ընդգրկել 2000 հանդիսատես:
Ծանօթագրութիւններ
[Խմբագրել | Խմբագրել աղբիւրը]- ↑ ABOUT CIRCUS Archived 2014-11-13 at the Wayback Machine.(անգլերէն)
- ↑ «NIKULIN MOSCOW CIRCUS ON TSVETNOY BOULEVARD»։ արխիւացուած է բնօրինակէն-էն՝ 2015-09-26-ին։ արտագրուած է՝ 2016-09-24