Մինաս Եգիպտացի

Մինաս Եգիպտացի
Ծնած է	285
Ծննդավայր	Մեմփիս, Կիզա, Եգիպտոս
Մահացած է	309 կամ 303
Մահուան վայր	Փռիւգիա
Քաղաքացիութիւն	Հին Հռոմ
Կրօնք	քրիստոնէութիւն

Մինաս Եգիպտացի, քրիստոնեայ առաքինի զինուորական։

Եգիպտացի պաշտօնավարած է Փոքր Ասիոյ Կութինա (Քէօթահիա) քաղաքի Հռոմէական բանակի մէջ։ Սակայն տեսնելով շրջապատի ապականութիւնը, կռապաշտութիւն, աշխարհի մէջ տիրող անարդարութիւնն ու չարութիւնը՝ կ'որոշէ նուիրուիլ անապատական կեանքին։ Ատեն մը ճգնելէ եւ հոգեւոր կեանքի մէջ զարգանալէ ետք երբ կ'իմանայ, որ արդէն իսկ ելած է Դիոկղետիանոսի հալածանքի հրահանգը եււ հարիւրներով քրիստոնեաներ կը նահատակուին, ինքն ալ մարտիրոսութեան պսակին արժանանալու համար քաղաք կ'իջնէ եւ կը յայտարարէ իր քրիստոնեայ ըլլալը։ Կը ձերբակալուի ու կ'ենթարկուի ծանրագոյն չարչարանքներու։ Ի վերջոյ կը գլխատուի 303-ին, իսկ մարմինը կ'այրուի։ Իր աճիւնները կը հաւաքուին ու կը դրուին յատուկ դամբարանի մը մէջ, որուն վրայ հետագային կը կանգնի փառաւոր եկեղեցի մը, ու կը դառնայ մեծ ուխտատեղի մը։

Գրականութիւն

• «Յոյնք Եւ Լատինք»՝ Նոյ.11, Հայք՝ Թ. Խաչ. Բշ.։
• «Համաքրսիտոնէական Սուրբեր», «Գանձասար» աստուածաբանական կեդրոնի հրատարակչութիւն, (1997)։